Восьтӧм 16:7 - Коми Библия 2023

⁷ Ме кылі висьпуктанінсянь мӧд гӧлӧс шы. Сійӧ шуис: – Господьӧй Енмӧй, Ставсӧвермысьӧй, Тэнад мыждӧмыд збыль да веськыд!

Восьтӧм 16:7 Kruisverwysings

Исай 6:6

Сэки лэбзис ме дінӧ серафимъяс пӧвстысь ӧтиыс. Шом чепӧляӧн сійӧ кутіс киас висьпуктанінысь босьтӧм биа ӧгыр.

Езекиль 10:2

Господь шуис шабді паськӧма мортлы: «Пыр гӧгыльяс костӧ, херувимъяс улӧ. Содз тырыд босьт херувимъяс костысь биа ӧгырсӧ да койышт кар вылас». Ме аддзи, мый сійӧ муніс.

Езекиль 10:7

Херувимъясысь ӧтиыс нюжӧдіс кисӧ на костын ӧзйысь билань, босьтіс биа ӧгырсӧ да пуктіс шабді паськӧма мортлы соддзас. Сійӧ босьтіс ӧгырсӧ да петіс.

Восьтӧм 1:8

«Ме эм Альфа и Омега, Панасыс и Помыс», – шуӧ Господь. Сійӧ эм, вӧлі и локтас, Сійӧ – Ставсӧвермысьыс.

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.

Восьтӧм 14:18

Сэсся висьпуктанінсянь петіс нӧшта ӧти андел, сылӧн вӧлі вын би вылын. Сійӧ гораа горӧдіс лэчыд чарлаа анделлы: «Босьт лэчыд чарлатӧ да вунды му вылысь виноград розъяссӧ, ӧд виноградыс кисьмӧма нин».

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

Восьтӧм 6:9

Кор Баля жугӧдіс витӧд печатьсӧ, висьпуктанін улысь ме аддзи ловъяссӧ налысь, кодъясӧс вӧлі виӧма Ен кыв вӧсна да Ен йылысь висьталӧм вӧсна.