Восьтӧм 14:2 - Коми Библия 2023

² Ме кылі енэжсяньыс шы. Сійӧ вӧлі уна валӧн бузгысь шы кодь да чорыд гым шы кодь. Сійӧ юргис, быттьӧ арфаӧн ворсісны.

Восьтӧм 14:2 Kruisverwysings

Ӧксыяслӧн 2 небӧг 6:5

Та дырйи Давид да Израиль войтыр Господь водзын нимкодясьӧмӧн йӧктісны да ворсісны кипарисысь вӧчӧм ворсанторъясӧн – гуслиӧн, арфаӧн, тимпанӧн, сярганӧн да кимвалӧн.

2 Каднебӧг 20:28

Арфа, гусли да труба ворсан шы улӧ найӧ локтісны Ерусалимӧ да пырисны Господьлӧн крамӧ.

Псалтыр 147:7

Сійӧ шуас Ассьыс кывсӧ, и ставыс сылӧ. Мӧдӧдас тӧвныр, и шоръяс визувтӧны.

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 33:2

Ошка Господьӧс быд кадӧ, менам вомысь дугдывтӧг петӧ Сылы ошкӧмыс,

Псалтыр 43:4

Эз шыпурт отсӧгӧн босьтны миян батьяс тайӧ мусӧ, эз асланыс вынӧн найӧ вермыны, а Тэнад веськыд киӧн да вынӧн, Тэнад чужӧмбаныдлӧн югыдӧн, ӧд Тэ вӧлін бур сьӧлӧма на дінӧ.

Псалтыр 57:8

Найӧ мед бырасны визувтысь ва моз, ньӧввужнысӧ зэвттӧдз мед куласны.

Псалтыр 92:3

Господьӧй, юяс гызьӧны, юяс ыджыд шыӧн гызьӧны, кыпӧдӧны ассьыныс гыяссӧ.

Псалтыр 93:4

Найӧ ышнясьӧны, налӧн вомысь петӧны тшап кывъяс.

Псалтыр 98:5

Ыдждӧдлӧй Господьӧс, миянлысь Енмӧс! Кок улас уськӧдчӧмӧн копыртчӧй Сы водзӧ, ӧд Сійӧ вежа!

Петӧм 19:16

Коймӧд луннас водз асывсянь гымаліс-чардаліс, Синай керӧс вевттьысис сук кымӧрӧн, кыліс горасьыс-гора буксан шы. Чомъяс дінын став войтырыс полӧмысла тіраліс.

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Исай 17:13

Войтыръяс горзӧны, быттьӧ пыдӧстӧм ваяс бузгӧны. Но Господь чирыштас найӧс, и найӧ ылӧдз пышъясны. Найӧ тӧвзясны керӧсъяс вывті тӧвнырӧн нӧбӧдан кыд моз, ыджыд тӧвнырӧн нӧбӧдан бус моз.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Закар 9:14

Господь петкӧдчас, медым отсавны Аслас войтырлы, Сійӧ чардби моз лыйыштас Ассьыс ньӧвсӧ. Господь Ыджыдыс букӧстас буксанӧн, Сійӧ кыпӧдчас лунвыв ыджыд тӧвнырӧн.

1 Коринфӧ 13:1

Ме кӧ сёрнита морт кывйӧн, весиг анделъяслӧн кывйӧн, а муслуныс кӧ ме пытшкын абу, сідзкӧ, ме троньгысь ыргӧн да брунгысь жыннян.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.

Восьтӧм 1:15

Сылӧн кокыс дзирдаліс пачын донӧдӧм ыргӧн моз, а гӧлӧс шыыс Сылӧн вӧлі бузгысь валӧн шы кодь.

Восьтӧм 11:12

Висьталысьяс кылісны енэжсяньыс гора шы. Сійӧ шуис налы: «Кыпӧдчӧй татчӧ!» Сэки найӧ кыпӧдчисны енэжас кымӧр вылын, а найӧс мустӧмтысьяс видзӧдісны на вылӧ.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 15:2

Ме аддзи стеклӧ кодь саридз, сійӧ пӧртмасис биӧн. Саридз дорас сулалісны найӧ, кодъяс вермисны зверӧс, сылысь серпассӧ да сы нимлысь лыдпассӧ. Кианыс найӧ кутісны Енлысь арфаяссӧ

Восьтӧм 18:22

Тэнад туй вылын некор оз кут кывны сьылӧм шы, пӧлян да труба шы, некод оз кут ворсны арфаӧн. Некор оз кут уджавны тані киподтуя морт, некор оз кут кывны тані изки шы.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.

Восьтӧм 6:1

Ме аддзи, мый Баля жугӧдіс сизим печать пиысь медводдзасӧ, и кылі, мый нёль ловъя олысь пӧвстысь ӧтиыс гым кодь гора шыӧн шуис: «Лок да видзӧд!»

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.