Восьтӧм 14:10 - Коми Библия 2023

¹⁰ сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.

Восьтӧм 14:10 Kruisverwysings

Олӧм 19:24

Сэки Господь кисьтіс енэжсянь Содом да Гомора вылӧ тэгъя-биа зэр,

Иов 18:15

Лёк вӧчысьлӧн керкаӧ овмӧдчасны мукӧдъяс, сылысь оланінсӧ кояласны тэгйӧн.

Иов 21:20

Лёк вӧчысь мед аслас синмӧн аддзылас шогсӧ, олігас мед ачыс юас Ставсӧвермысьлысь скӧрлунсӧ.

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Псалтыр 52:6

Но найӧс полӧм босьтас, кор нинӧмысь лоӧ повнысӧ, ӧд Енмыс разӧдас вӧрӧглысь лыяссӧ. Найӧс лоӧ янӧдӧма, ӧд Енмыс эновтіс найӧс.

Псалтыр 60:3

Му пельӧссянь ме шыася Тэ дінӧ шогсян сьӧлӧмӧн. Нуӧд менӧ изкырта вылӧ, кытчӧ ачым ме ог вермы кайнысӧ.

Псалтыр 73:10

Енмӧй, дыр-ӧ на дзескӧдысь пондас лёкӧдны миянӧс, дыр-ӧ на мустӧмтысь пондас омӧльтны Тэнсьыд нимтӧ?

Псалтыр 75:8

Енмӧй, Тэ повзьӧдана! Тэнад скӧралігӧн коді вермас сулавны Тэ водзын?

Псалтыр 91:8

Ентӧг олысьяс вежӧдӧны турун моз, лёк вӧчысьяс дзоридзалӧны, но найӧ бырасны пыр кежлӧ.

Исай 29:9

Чуймалӧй-шензьӧй, синтӧммӧй, энӧ аддзӧй! Ті кодаланныд, но онӧ вина понда, довъяланныд, но онӧ сур понда.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Исай 34:9

Эдомлӧн юясыс лоӧны сирӧн, му веркӧсыс лоӧ тэгйӧн, муыс ставнас лоӧ сотчысь сирӧн.

Исай 51:17

Садьмы, садьмӧдчы, чеччы, Ерусалим! Господьлӧн киысь тэ босьтін Сылысь скӧрлуна дозсӧ, юин сэтысь, юин кушӧдзыс да кутін довъявны.

Еремей 25:27

Господь висьталіс меным: «Юӧрт ставныслы, мый Господь Саваоф, Израильлӧн Ен, тадзи висьталӧ: юӧй коддзытӧдзныд, восмӧнныд, да усьӧй кок йывсьыныд. Сэки ті онӧ нин чеччӧй, ӧд Ме мӧдӧда тіян вылӧ шыпуртӧс.

Еремей 49:12

Господь тадзи висьталӧ: «Тайӧ чашасьыс кутасны юны весиг найӧ, кодъясӧс абу мыждӧма сэтысь юны. Эдом, тэ ӧмӧй мыждытӧг колян? Он коль, тэныд ковмас юны тайӧ чашасьыс.

Еремей 51:57

– Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Езекиль 20:48

Сэки быдӧн аддзас, мый Ме, Господь, ӧзті би, и сійӧ оз кус».

Езекиль 38:22

Ме мыжда Гогӧс да сылысь тышкайӧзсӧ. Мӧдӧда на вылӧ пӧрӧс висьӧм да кисьта налысь вирсӧ. Гог вылӧ, сылӧн тышкайӧз вылӧ да сыкӧд локтӧм войтыръяс вылӧ Ме кисьта сувтса зэр, йиа шер, би да тэг.

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.

Матвей 20:22

Исус шуис: «Онӧ тӧдӧй, мый коранныд. Верманныд-ӧ юны Меным дасьтӧм чашасӧ да Менам пыртчӧмӧн пыртчыны?» Найӧ вочавидзисны: «Вермам».

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Марк 8:38

Коді яндысяс Меысь да Менам кывъясысь тайӧ мыжа да пежас ылалӧм йӧз водзын, сыысь яндысяс Морт Пи, кор локтас вежа анделъяскӧд Батьыслӧн дзирдлунӧн».

Марк 9:44

Сэні ”номырыс оз кувлы да биыс оз куслы”.

Ап. уджъяс 10:22

Найӧ висьталісны: «Миянӧс мӧдӧдіс Корнилий, сё тышкамортӧн веськӧдлысьным. Сійӧ веськыда олысь да Енмысь полысь морт, иудей войтыр сійӧс пыдди пуктӧ. Вежа андел тшӧктӧма сылы корны тэнӧ гортас, мед кывзыны тэнсьыд висьталӧмтӧ».

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.

2 Фессалоникаӧ 1:7

А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь

Иуда 1:7

Тадзи лои тшӧтш Содомын, Гомораын да на гӧгӧр каръясын олысьяскӧд. Тайӧ анделъясыс моз найӧ кырсалісны да сетчисны зывӧк оласногӧ, та вӧсна найӧс вӧлі мыждӧма да сотӧма куслытӧм биын. Миянлы тайӧ ӧлӧдӧм вылӧ.

Восьтӧм 15:7

Нёль ловъя олысь пӧвстысь ӧтиыс сетіс сизим анделлы сизим зарни чаша. Тайӧ чашаяссӧ вӧлі тыртӧма помтӧг олысь Енлӧн скӧрлунӧн.

Восьтӧм 16:19

Сэки ыджыд Вавилон кар киссис куим пельӧ, и мукӧд войтыръяслӧн каръясыс тшӧтш киссисны. Енмыс эз вунӧд ыджыд Вавилон кар йылысь да сетіс сылы юны вина чашаысь, мый вӧлі тырӧма Сылӧн скӧрлунӧн.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.

Восьтӧм 20:14

Кулӧмсӧ пыдӧстӧминыскӧд вӧлі шыбитӧма биа тыӧ. Тайӧ мӧд кулӧм.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».