Восьтӧм 13:1 - Коми Библия 2023

¹ Сэсся ме сувті саридз дорӧ да аддзи саридзысь петӧм зверӧс. Сійӧ вӧлі сизим юра да дас сюра. Быд сюрын вӧлі ӧти юркытш, а юръясас вӧлі гижалӧма Енмӧс лёкӧдана нимъяс.

Восьтӧм 13:1 Kruisverwysings

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 2:41

Нӧшта тэ аддзылін кокъяс да кок чуньяс, кодъясӧс вӧчӧма кытсюрӧ сёйысь, кытсюрӧ кӧртысь. Тайӧ висьталӧ сы йылысь, мый нёльӧд юралӧмыс юксяс. Но сэні лоӧ мыйтакӧ кӧртлӧн чорыдлуныс, кыдзи тэ аддзылін, мый сёй пытшкас вӧлі кӧрт.

Восьтӧм 11:7

Кор найӧ дугдасны висьтавлыны, сэки пыдӧстӧминысь петас звер да кутас тышкасьны накӧд. Зверыс вермас найӧс да виас.

Восьтӧм 12:3

Сэсся енэжас лои мӧд индысьпас. Ме аддзи би гӧрд рӧма ыджыд гундырӧс. Сійӧ вӧлі сизим юра да дас сюра. Быд юр вылын вӧлі юркытш.

Восьтӧм 13:11

Сэсся ме аддзи мӧд зверӧс, коді петіс му пытшкысь. Сылӧн вӧлі балялӧн кодь кык сюр, но сёрнитіс сійӧ гундыр моз.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 13:15

Мӧд зверыслы вӧлі сетӧма ловзьӧдны воддза зверыслысь серпассӧ, медым тайӧ серпасыс вермис сёрнитны. Сійӧ виас быдӧнӧс, коді оз копыртчыв сылы.

Восьтӧм 15:2

Ме аддзи стеклӧ кодь саридз, сійӧ пӧртмасис биӧн. Саридз дорас сулалісны найӧ, кодъяс вермисны зверӧс, сылысь серпассӧ да сы нимлысь лыдпассӧ. Кианыс найӧ кутісны Енлысь арфаяссӧ

Восьтӧм 16:13

Сэсся ме аддзи, мый гундыр вомысь, звер вомысь да ылӧгпророк вомысь петісны куим пеж лов, найӧ вӧліны жаба кодьӧсь.

Восьтӧм 17:16

Зверыслӧн дас сюрыс, кодъясӧс тэ аддзылін, мустӧмтасны кырсалысь аньӧс. Найӧ мырддясны сылысь ставсӧ да пӧрччӧдасны сы вылысь став паськӧмсӧ, сёясны сылысь вир-яйсӧ да сотасны биын.

Восьтӧм 17:3

Ме вӧлі тырӧма Лолӧн, и андел вайӧдіс менӧ овтӧминӧ. Сэтысь ме аддзи аньӧс, коді пукаліс чим гӧрд рӧма звер вылын. Зверыслӧн вӧлі сизим юр да дас сюр. Тайӧ зверсӧ вӧлі дзоньнас гижалӧма Енмӧс лёкӧдана кывъясӧн.

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Восьтӧм 19:19

Сэсся ме аддзи зверӧс, мувывса ӧксыясӧс да налысь тышкакотыръяссӧ. Найӧ вӧлі чукӧртчӧмаӧсь, медым тышкасьны вӧв вылын Пукалыськӧд да Сылӧн тышкакотырыскӧд.