Восьтӧм 12:3 - Коми Библия 2023

³ Сэсся енэжас лои мӧд индысьпас. Ме аддзи би гӧрд рӧма ыджыд гундырӧс. Сійӧ вӧлі сизим юра да дас сюра. Быд юр вылын вӧлі юркытш.

Восьтӧм 12:3 Kruisverwysings

Исай 27:1

Сійӧ лунӧ Господь мыждас да Аслас повзьӧдана, ыджыд да ён шыпуртӧн пасьвартас левиафанӧс, ӧдйӧ пышйысь да нюглясьысь змейӧс, виас саридзса гундырӧс.

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

Даниил 2:41

Нӧшта тэ аддзылін кокъяс да кок чуньяс, кодъясӧс вӧчӧма кытсюрӧ сёйысь, кытсюрӧ кӧртысь. Тайӧ висьталӧ сы йылысь, мый нёльӧд юралӧмыс юксяс. Но сэні лоӧ мыйтакӧ кӧртлӧн чорыдлуныс, кыдзи тэ аддзылін, мый сёй пытшкас вӧлі кӧрт.

Даниил 2:42

Кок чуньясыс тшӧтш вӧліны кыткӧ кӧртысь, кыткӧ сёйысь, тадзи жӧ юралӧмыс лоӧ кыткӧ зумыд, кыткӧ жеб.

Даниил 7:20

Ме нӧшта кӧсйи тӧдны дас сюрыс йылысь, кодъяс вӧліны сылӧн юр вылас, да куим усьӧм сюр пыдди быдмӧм сюр йылысь. Тайӧ сюрыс лои мукӧд сюр дорысь ыджыдджык, и сылӧн вӧліны синъяс да ышнясьӧмӧн сёрнитысь вом.

Даниил 7:24

А дас сюрыс висьталӧны сы йылысь, мый тайӧ юраланінас пондасны юравны дас ӧксы. На бӧрти кутас юравны нӧшта ӧти ӧксы, сійӧ пондас торъявны воддза ӧксыясысь да чӧвтас куим ӧксыӧс.

Восьтӧм 12:1

Сэсся енэжсьыс ме аддзи ыджыд индысьпас. Ань вӧлі гартыштчӧма шондіӧн. Сылӧн кок улас вӧлі тӧлысь, а юр вылас – дас кык кодзулысь юркытш.

Восьтӧм 12:13

Кор гундыр аддзис, мый сійӧс шыбитӧма му вылӧ, сійӧ кутіс вӧтлысьны пи чужтысь ань бӧрся.

Восьтӧм 12:17

Гундыр ёна скӧрмис ань вылӧ да муніс тышкасьны сылӧн мукӧд челядькӧд, кодъяс олӧны Ен тшӧктӧм серти да кутчысьӧны Исус Кристослӧн висьталӧмӧ.

Восьтӧм 12:4

Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

Восьтӧм 12:7

Сэсся енэжас пансис тыш. Микаил аслас анделъяскӧд тышкасис гундырлы паныд, а гундыр аслас анделъяскӧд – налы паныд.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 13:1

Сэсся ме сувті саридз дорӧ да аддзи саридзысь петӧм зверӧс. Сійӧ вӧлі сизим юра да дас сюра. Быд сюрын вӧлі ӧти юркытш, а юръясас вӧлі гижалӧма Енмӧс лёкӧдана нимъяс.

Восьтӧм 13:2

Зверыс, кодӧс ме аддзылі, вӧлі леопард кодь. Сылӧн кокъясыс вӧліны ошлӧн кодьӧсь, а вомыс – левлӧн кодь. Гундыр сетіс сылы ассьыс вынйӧрсӧ, юралан пуклӧссӧ да ыджыдалан вынсӧ.

Восьтӧм 13:4

Сэсся найӧ копыртчылісны зверлы да шуалісны: – Кодӧс позьӧ ӧткодявны тайӧ зверыскӧд? Коді вермас тышкасьны сыкӧд?

Восьтӧм 15:1

Сэсся енэжсьыс ме нӧшта на аддзи шензьӧдана да ыджыд индысьпас. Ме аддзи сизим анделӧс, кодъяслӧн вӧлі бӧръя сизим бырӧданторйыс. Тайӧ бырӧданторъяснас помасис Енлӧн скӧрлуныс.

Восьтӧм 16:13

Сэсся ме аддзи, мый гундыр вомысь, звер вомысь да ылӧгпророк вомысь петісны куим пеж лов, найӧ вӧліны жаба кодьӧсь.

Восьтӧм 17:12

Дас сюрыс, кодӧс тэ аддзылін, – дас ӧксы, кодъяслы абу на сетӧма ӧксыавны. Но налы лоӧ сетӧма зверыскӧд ӧксыалӧмсӧ, сӧмын оз дыр кад кежлӧ.

Восьтӧм 17:16

Зверыслӧн дас сюрыс, кодъясӧс тэ аддзылін, мустӧмтасны кырсалысь аньӧс. Найӧ мырддясны сылысь ставсӧ да пӧрччӧдасны сы вылысь став паськӧмсӧ, сёясны сылысь вир-яйсӧ да сотасны биын.

Восьтӧм 17:7

Андел шуис меным: «Мый тэ шензян? Ме висьтала тэныд гусятор тайӧ аньыс йылысь да сійӧс новлӧдлысь зверыс йылысь, кодлӧн эм сизим юр да дас сюр.

Восьтӧм 19:12

Сылӧн синмыс ыпъяліс би моз, а юр вылас вӧлі уна юркытш. Пукалысь вылӧ гижӧм нимсӧ Сыысь кындзи некод эз тӧд.

Восьтӧм 20:2

Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.