Восьтӧм 12:17 - Коми Библия 2023

¹⁷ Гундыр ёна скӧрмис ань вылӧ да муніс тышкасьны сылӧн мукӧд челядькӧд, кодъяс олӧны Ен тшӧктӧм серти да кутчысьӧны Исус Кристослӧн висьталӧмӧ.

Восьтӧм 12:17 Kruisverwysings

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

1 Коринфӧ 2:1

Вокъяс, кор ме волі тіян дінӧ висьтавны Енсянь юӧр, сэки сёрниті тіянкӧд эг мича да мывкыд кывъясӧн.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

1 Иоан 2:3

Олам кӧ Сылӧн тшӧктӧмъяс серти, тайӧн петкӧдлам, мый ми тӧдам Сійӧс.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

1 Иоан 5:2

Радейтам кӧ Енсӧ да олам Сылӧн тшӧктӧмъяс серти, та серти тӧдам, мый ми Ен челядьӧс тшӧтш радейтам.

Восьтӧм 1:2

Ӧні Иоан аслас висьталӧмӧн эскӧдӧ Енлысь кывсӧ, Исус Кристослысь висьталӧмсӧ да ставсӧ, мый аддзыліс.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 11:7

Кор найӧ дугдасны висьтавлыны, сэки пыдӧстӧминысь петас звер да кутас тышкасьны накӧд. Зверыс вермас найӧс да виас.

Восьтӧм 12:16

но муыс отсаліс аньлы. Муыс воссис да ньылыштіс гундыр вомысь петӧм юсӧ.

Восьтӧм 13:7

Сылы вӧлі сетӧма тышкасьны вежа войтыркӧд да вермыны найӧс. Сылы вӧлі сетӧма ыджыдавны быд чужанвуж да чужанкотыр вылын, быд кыла йӧз да быд войтыр вылын.

Восьтӧм 14:12

Сідзкӧ, вежа войтырлы – Ен тшӧктӧм серти олысьяслы да Исуслы эскысьяслы – колӧ зумыдлун».

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 19:19

Сэсся ме аддзи зверӧс, мувывса ӧксыясӧс да налысь тышкакотыръяссӧ. Найӧ вӧлі чукӧртчӧмаӧсь, медым тышкасьны вӧв вылын Пукалыськӧд да Сылӧн тышкакотырыскӧд.

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.

Восьтӧм 6:9

Кор Баля жугӧдіс витӧд печатьсӧ, висьпуктанін улысь ме аддзи ловъяссӧ налысь, кодъясӧс вӧлі виӧма Ен кыв вӧсна да Ен йылысь висьталӧм вӧсна.