Восьтӧм 12:1 - Коми Библия 2023

¹ Сэсся енэжсьыс ме аддзи ыджыд индысьпас. Ань вӧлі гартыштчӧма шондіӧн. Сылӧн кок улас вӧлі тӧлысь, а юр вылас – дас кык кодзулысь юркытш.

Восьтӧм 12:1 Kruisverwysings

2 Каднебӧг 32:31

Но кор вавилонса юралысьяс мӧдӧдісны сы дінӧ ассьыс йӧзсӧ, медым тӧдмавны Иуда муын петкӧдлӧм индысьпас йылысь, сэки Енмыс колис сійӧс ӧтнассӧ, медым тӧдмавны сійӧс да аддзыны, мый сылӧн сьӧлӧмас.

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Сьылан 6:10

«Коді тайӧ? Сійӧ асъя кыа моз дзирдалӧ, сійӧ тӧлысь кодь мича, шонді кодь югыд, дӧрапасӧн локтысь тышкайӧз кодь шемӧсмӧдана». (Ныв:)

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 62:3

Тэ лоан дзирдалысь юркытшӧн Господьлӧн киын, лоан ӧксылӧн юркытшӧн Аслад Енлӧн ки пыдӧсын.

Закар 9:16

Сійӧ лунӧ Господь, налӧн Ен, мездас найӧс, чукӧртас Ассьыс войтырсӧ ыж чукӧрӧс моз. Юркытшса дона изъяс моз найӧ пондасны дзирдавны Сылӧн му вылын.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Матвей 12:38

Сэки фарисейяс да Индӧдӧ велӧдысьяс пиысь кодсюрӧ корисны: «Велӧдысь, петкӧдлы миянлы индысьпас».

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Марк 13:25

енэжысь кодзувъяс усясны, енэжвыв вынъяс вӧрзясны.

Лука 21:11

Уналаын лоас му вӧрӧм да тшыгъялӧм, йӧзсӧ суас кулана висьӧм. Лоасны повзьӧдана петкӧдчӧмъяс да енэжсянь индысьпасъяс.

Лука 21:25

«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Ап. уджъяс 2:19

Енэжын петкӧдла шензьӧданаторъяс, му вылын – индысьпасъяс: вир, би да тшын.

Римӧ 13:14

Тіян паськӧмӧн мед лоӧ Господь Исус Кристос. Вир-яйныд вӧсна тӧждысьӧмсӧ энӧ бергӧдӧй сылысь лёк кӧсйӧмсӧ могмӧдӧмӧ.

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Галатӧ 3:27

Ті пыртчинныд Кристосӧ, сідзкӧ, тіян паськӧмныд – Кристос.

Галатӧ 4:26

Енэжвыв Ерусалимыс – мездлуна кар, сійӧ миянлы ставнымлы мам.

Галатӧ 6:14

Ме ог кӧсйы ошйысьны нинӧмӧн, ошйыся сӧмын миян Господь Исус Кристослӧн крестӧн. Сэні муюгыдсӧ тувъялӧма меным, а менӧ – муюгыдыслы.

Ефесӧ 5:32

Тайӧ – ыджыд гусятор. Ме висьтала тайӧс Кристос да вичко йылысь.

Восьтӧм 1:20

Тэ аддзылін Менам веськыд киысь сизим кодзув, нӧшта аддзылін сизим зарни бикок. Налӧн гусяторйыс татшӧм: сизим кодзулыс – тайӧ сизим вичколӧн анделъяс, а сизим бикокыс, кодъясӧс тэ аддзылін, – тайӧ сизим вичко».

Восьтӧм 11:19

Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.

Восьтӧм 12:3

Сэсся енэжас лои мӧд индысьпас. Ме аддзи би гӧрд рӧма ыджыд гундырӧс. Сійӧ вӧлі сизим юра да дас сюра. Быд юр вылын вӧлі юркытш.

Восьтӧм 15:1

Сэсся енэжсьыс ме нӧшта на аддзи шензьӧдана да ыджыд индысьпас. Ме аддзи сизим анделӧс, кодъяслӧн вӧлі бӧръя сизим бырӧданторйыс. Тайӧ бырӧданторъяснас помасис Енлӧн скӧрлуныс.

Восьтӧм 21:14

Карыслӧн стенмыс подуласис дас кык из вылӧ, а изъяс вылас вӧлі гижӧма Балялӧн дас кык апостоллысь нимъяссӧ.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.