Восьтӧм 11:3 - Коми Библия 2023

³ Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».

Восьтӧм 11:3 Kruisverwysings

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Ӧксыяслӧн 2 небӧг 3:31

Давид шуис Йоавлы да став тышкайӧзыслы: «Косялӧй паськӧмнытӧ, пасьталӧй шогалан паськӧм да бӧрдӧй Авенир вӧсна». Ачыс Давид ӧксы восьлаліс шойсӧ нуысьяс бӧрся.

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Ӧксыяслӧн 4 небӧг 19:1

Кор Езекей ӧксы кыліс та йылысь, сійӧ косяліс ассьыс паськӧмсӧ. Сэсся пасьталіс шогалан паськӧм да муніс Господьлӧн крамӧ.

1 Каднебӧг 21:16

Давид лэптіс синсӧ да аддзис Господьлысь анделсӧ, коді сулаліс енэжа-муа костас. Киас сійӧ кутіс перйӧм шыпурт. Шыпуртсӧ вӧлі нюжӧдӧма Ерусалимлань. Давид да израильса юрнуӧдысьяс усисны чужӧм выланыс. Найӧ вӧлі пасьтасьӧмаӧсь шогалан паськӧмӧ.

Неемий 9:1

Кызь нёльӧд лунӧ сійӧ жӧ тӧлысьнас Израиль войтыр чукӧртчис, мед видзавны. Найӧ пасьталісны шогалан паськӧм да коялісны юрнысӧ муӧн.

Иов 16:15

Ме вури аслым шогалан паськӧм, чужӧмбанӧн ляскыси му бердас.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Еремей 1:10

Талун Ме пукта тэнӧ войтыръяслы юӧртысьӧ, медым нетшкыны да жуглыны, бырӧдны да пазӧдны, выльысь тэчны да вужйӧдны.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Езекиль 4:6

Тайӧс вӧчӧм бӧрын вод веськыд бок вылад да нелямын лун чӧж ну Иуда войтырлысь мыжсӧ. Быд воысь Ме урчита тэныд ӧти лун.

Даниил 12:7

Ме аддзи шабді паськӧма анделӧс, коді сулаліс ва весьтын. Веськыд да шуйга кисӧ енэжланьыс кыпӧдӧмӧн сійӧ кыв сетіс помтӧг Олысь водзын: «Коляс ӧти кадколаст, сэсся кык кадколаст да нӧшта кадколаст джын. Кор вежа войтырӧс лоӧ разӧдӧма, сэки ставыс тайӧ инас».

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Даниил 8:14

Мӧдыс вочавидзис меным: «Тайӧ нюжалас кык сюрс куимсё рыт да асыв, сэсся вежаинсӧ лоӧ сӧстӧммӧдӧма».

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Иона 3:5

Ниневияын олысьяс та бӧрын кутісны эскыны Енлы. Найӧ шуисны видзавны, и ставныс ичӧтсянь ыджыдӧдз пасьталісны шогалан паськӧм.

Иона 3:8

Пасьталӧй шогалан паськӧм да вевттьӧй наӧн тшӧтш пемӧсъяснытӧ. Горзӧмӧн шыасьӧй Ен дінӧ, бергӧдчӧй мыжъяссьыныд да эновтчӧй виалӧм-дзескӧдӧмсьыныд.

Лыд 11:26

Сизимдас юрнуӧдысь пӧвстысь кыкӧн, Элдад да Медад, вӧліны асланыс чомъяс дорын, но Лолыс лэччис тшӧтш на вылӧ, и найӧ кутісны пророкавны. Найӧ вӧліны тшӧтш бӧрйӧмаяс, сӧмын вежа чом дорӧ эз петавны.

Матвей 11:21

«Курыд шог тэныд, Коразин кар! Курыд шог тэныд, Випсаида кар! Тир да Сидон каръясын кӧ аддзылісны тіянын кодь вӧчӧм шензьӧданаторъяссӧ, сэки эськӧ сэтчӧс олысьясыс важӧн нин бергӧдчисны мыжъяссьыныс, шогалан паськӧм пасьталісны да юрнысӧ пӧимӧн коялісны.

Матвей 18:16

Оз кӧ кывзы тэнӧ, босьт аскӧдыд ӧти-кык мортӧс, ӧд ”ставсӧ колӧ подулавны кык либӧ куим мортлӧн висьталӧмӧн”.

Лука 10:13

«Курыд шог тэныд, Коразин кар! Курыд шог тэныд, Випсаида кар! Тир да Сидон каръясын кӧ аддзылісны тіянын кодь вӧчӧм шензьӧданаторъяссӧ, сэки эськӧ сэтчӧс олысьясыс важӧн нин бергӧдчисны мыжъяссьыныс, шогалан паськӧм пасьталісны да юрнысӧ пӧимӧн коялісны.

Лука 24:48

Ті асьныд ставсӧ кывлінныд да аддзылінныд.

Иоан 15:27

Ті тшӧтш кутанныд висьтавны Ме йылысь, ӧд ті водзысяньыс Мекӧд».

Иоан 3:27

Иоан вочавидзис: «Мортыс нинӧм оз вермы босьтны аслыс, оз кӧ ло сетӧма сылы енэжсянь.

Ап. уджъяс 1:8

Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».

Ап. уджъяс 13:31

Уна лун чӧж Сійӧ петкӧдчывліс налы, кодъяс Сыкӧд тшӧтш локтісны Галилеяысь Ерусалимӧ. Ӧні найӧ висьтавлӧны Сы йылысь Израиль войтырлы.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Ап. уджъяс 3:15

Ті олӧм Сетысьӧс виинныд, но Енмыс ловзьӧдіс Сійӧс. Тайӧс ми аддзылім да висьталам та йылысь.

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

2 Коринфӧ 13:1

Ме коймӧдысь нин мӧдӧдча тіян дінӧ. Гижӧдыс висьталӧ: «Ставсӧ колӧ подулавны кык либӧ куим мортлӧн висьталӧмӧн».

Ефесӧ 4:11

Ӧтиясӧс Сійӧ сувтӧдіс апостолъясӧн, мӧдъясӧс – пророкъясӧн, коймӧдъясӧс – буръюӧртысьясӧн, нёльӧдъясӧс – вичкоса веськӧдлысьясӧн, витӧдъясӧс – велӧдысьясӧн,

Индӧд 17:6

Зывӧксӧ вӧчысьӧс колӧ вины кык либӧ куим аддзылысь-висьталысьлӧн кывъяс серти, а ӧти мортлӧн кывъяс серти вины оз позь.

Индӧд 19:15

Ӧти мортлӧн висьталӧмыс абу тырмана, медым мыждыны мортӧс лёк либӧ мыж вӧчӧмысь. Ставсӧ колӧ подулавны кык либӧ куим мортлӧн висьталӧмӧн.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,

Восьтӧм 11:2

Крамлысь ортсы йӧрсӧ эн муртав, сійӧс оз ков муртавны, ӧд сійӧс сетӧма ентӧдтӧмъяслы. Найӧ кутасны талявны вежа карсӧ нелямын кык тӧлысь чӧж.

Восьтӧм 11:6

Тайӧ висьталысьясыслӧн эм вын тупкыны енэжсӧ, медым пророкаліганыс эз зэр. Налӧн эм вын пӧртны васӧ вирӧ да тшыкӧдны мусӧ быдпӧлӧс бырӧданторнас, кор сӧмын кӧсъясны.

Восьтӧм 12:6

А аньыс пышйис овтӧминӧ. Сэні Енмыс дасьтӧма вӧлі оланін, медым вердны тайӧ аньсӧ сюрс кыксё квайтымын лун чӧж.

Восьтӧм 13:5

Зверлы вӧлі сетӧма позянлун тшапа сёрнитны да омӧльтны Енмӧс лёкӧдана кывъясӧн. Сылы вӧлі сетӧма вын вӧчны тадзи нелямын кык тӧлысь чӧж.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.