Восьтӧм 11:18 - Коми Библия 2023

¹⁸ Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 11:18 Kruisverwysings

Псалтыр 103:11

Сэтысь юӧны вӧрса пемӧсъяс, сэтысь веськӧдӧны горшнысӧ вӧлявывса осёлъяс.

Псалтыр 110:5

Сыысь полысьясӧс Сійӧ пӧткӧдӧ, некор оз вунӧд Ассьыс йитӧдсӧ.

Псалтыр 2:5

Аслас скӧрлунӧн Сійӧ повзьӧдас найӧс, дӧзмӧмӧн шуас налы:

Псалтыр 85:9

Господьӧй, Тэ вӧчин став войтыръяссӧ. Найӧ локтасны да копыртчасны Тэ водзӧ, ошкасны Тэнсьыд нимтӧ.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Даниил 11:44

Но войвывсянь да асыввывсянь воӧм юӧръяс повзьӧдасны сійӧс, и сійӧ петас ыджыд скӧрлунӧн, медым вины да дзикӧдз бырӧдны унаӧс.

Даниил 7:26

Сэсся пуксясны ёрдысьяс, и мырддясны сылысь юралӧмсӧ. Тайӧ юралӧмсӧ пыр кежлӧ лоӧ бырӧдӧма.

Даниил 8:25

Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Лука 1:50

Чужысьяссянь чужысьясӧдз Сылӧн буралӧмыс вуджӧ Сыысь полысьяс дінӧ.

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Восьтӧм 10:7

Но сійӧ лунӧ, кор кылас сизимӧд анделлӧн трубаӧ тутсӧмыс, збыльмас Енлӧн гуся мӧвпыштӧмыс, мый йылысь Енмыс водзвыв висьтавліс пророкъяслы – Аслас кесйӧгъяслы».

Восьтӧм 11:2

Крамлысь ортсы йӧрсӧ эн муртав, сійӧс оз ков муртавны, ӧд сійӧс сетӧма ентӧдтӧмъяслы. Найӧ кутасны талявны вежа карсӧ нелямын кык тӧлысь чӧж.

Восьтӧм 13:10

Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Восьтӧм 13:16

Мӧд зверыс тшӧктӧ пуктыны пас веськыд киас либӧ плешкас быдӧнлы – ичӧтлы и гырысьлы, озырлы и гӧльлы, мездлуна мортлы и кесйӧглы.

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.

Восьтӧм 15:1

Сэсся енэжсьыс ме нӧшта на аддзи шензьӧдана да ыджыд индысьпас. Ме аддзи сизим анделӧс, кодъяслӧн вӧлі бӧръя сизим бырӧданторйыс. Тайӧ бырӧданторъяснас помасис Енлӧн скӧрлуныс.

Восьтӧм 15:7

Нёль ловъя олысь пӧвстысь ӧтиыс сетіс сизим анделлы сизим зарни чаша. Тайӧ чашаяссӧ вӧлі тыртӧма помтӧг олысь Енлӧн скӧрлунӧн.

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 19:18

Ті кутанныд сёйны шойяссӧ ӧксыяслысь, тышкайӧзӧн веськӧдлысьяслысь, юралысьяслысь, вӧвъяслысь, верзьӧмаяслысь да став йӧзыслысь: мездлуна йӧзлысь и кесйӧгъяслысь, ичӧтлысь и гырысьлысь».

Восьтӧм 19:5

Сэсся Ен пуклӧссянь кыліс гӧлӧс шы: – Ошкӧй миян Енмӧс ставныд, Сылӧн кесйӧгъяс да Сыысь полысьяс, ичӧтъяс и гырысьяс!

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.

Восьтӧм 22:12

«Со, Ме регыд локта да вая Аскӧд удждон, медым быдӧнлы мынтысьны сылӧн уджъясыс серти.