Восьтӧм 10:4 - Коми Библия 2023

⁴ Сизим гымлӧн сёрнитӧм бӧрын ме кӧсйи гижны налысь сёрнисӧ, но енэжсяньыс ме кылі гӧлӧс шы. Сійӧ шуис меным: «Сизим гымлысь сёрнисӧ эн гиж, дзеб сійӧс».

Восьтӧм 10:4 Kruisverwysings

Исай 29:11

Енсянь петкӧдчылӧмъяс лоины тіянлы печатя небӧгын гижӧд кодь. Небӧгсӧ кӧ сетасны лыддьысьны кужысьлы да шуасны: «На, лыддьы», сійӧ вочавидзас: «Ме ог вермы, ӧд сійӧс тупкӧма печатьӧн».

Исай 8:1

Господь шуис меным: «Босьт ыджыд пӧв да гиж сэтчӧ гӧгӧрвоана шыпасъясӧн: Магер-Шалал-Хаш-Баз».

Исай 8:16

– Гартышт тайӧ гижӧдсӧ, мыйӧ ме велӧді ассьым велӧдчысьясӧс, да тупкы сійӧс сёйысь вӧчӧм печатьӧн.

Даниил 12:4

Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».

Даниил 12:9

Но сійӧ шуис меным: «Мун, Даниил. Тайӧ кывъяссӧ оз позь восьтны, найӧс лоӧ тупкӧма печатьӧн бӧръя кадӧдзыс.

Даниил 8:26

Сійӧ, мый тэ аддзылін рыт да асыв йылысь, – збыль. Но тэ некодлы тайӧс эн восьт, ӧд аддзылӧмыс локтана кад йылысь».

Индӧд 29:29

Гусяторйыс миян Господь Енлӧн киын, а восьтӧмсӧ сетӧма миянлы да миян ныв-пилы нэмъяс кежлӧ, медым ми олім тайӧ Индӧдлӧн став кывъясыс серти».

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Восьтӧм 1:19

Сідзкӧ, гиж, мый аддзылін, мый эм да мый лоӧ бӧрыннас.

Восьтӧм 10:8

Сэсся енэжсяньыс бара кыліс гӧлӧс шы, кодӧс ме кывлі нин. Сійӧ шуис меным: «Мун андел дінӧ, коді сулалӧ саридз да му вылын, да босьт сылӧн киысь восьса гижӧдсӧ».

Восьтӧм 22:10

Сэсся содтіс: «Эн тупкы печатьӧн тайӧ небӧгас водзвыв висьталӧмасӧ, ӧд кадыс матын нин».