Восьтӧм 10:11 - Коми Библия 2023

¹¹ Сэсся андел шуис меным: «Тэныд бара на ковмас водзвыв висьтавлыны, мый лоӧ войтыръяскӧд да чужанкотыръяскӧд, быд кыла йӧзкӧд да ӧксыяскӧд».

Восьтӧм 10:11 Kruisverwysings

Еремей 25:13

Ме вӧча Калдея мулы Аслам кывъяс серти, вӧча ставсӧ, мый Еремей водзвыв висьталіс войтыръяс йылысь да мый гижӧма тайӧ небӧгас.

Езекиль 37:4

Сійӧ шуис меным: «Пророкав тайӧ косьмӧм лыясыслы. Тшӧкты налы кывзыны Господьлысь кывсӧ.

Езекиль 37:9

Господь шуис меным: «Пророкав ловлы, морт пиӧй! Пророкалӧмӧн шу ловлы, мый Господь Ыджыдыс тадзи висьталӧ: лов, лок нёльнан пельӧссянь да пӧльышт олӧмсӧ тайӧ виӧмаяс пытшкӧ, медым найӧ ловзясны».

Восьтӧм 10:10

Андел киысь ме босьті гижӧдсӧ да сёйи. Менам вомын сійӧ вӧлі юмов ма кодь. Но бӧрыннас менам гырк пытшкӧй ёна курдіс сыысь.

Восьтӧм 11:1

Меным сетісны кузь мурталан бедь да шуисны: «Мун, муртав Енлысь крамсӧ да висьпуктанінсӧ, лыддьы крамас юрбитысьяслысь лыдсӧ.

Восьтӧм 11:9

Быд кыла йӧз пытшкысь да быд войтырысь, быд чужанвужйысь да чужанкотырысь унаӧн кутасны видзӧдны налӧн шойяс вылӧ куим лун да джын, но гуавнысӧ найӧс оз лэдзны.

Восьтӧм 14:6

Сэсся ме аддзи нӧшта ӧти анделӧс, коді лэбис енэж шӧрӧдыс. Сылӧн вӧлі помасьлытӧм Евангелльӧ, медым висьтавлыны сійӧс мувывса олысьяслы: быд чужанвужлы да чужанкотырлы, быд кыла йӧзлы да быд войтырлы.

Восьтӧм 17:10

Сизим юрыс индӧ сизим ӧксы вылӧ: витыс на пиысь кулісны нин, ӧтиыс веськӧдлӧ, а бӧръяыс эз на лок. Кор сійӧ локтас, оз кут дыр веськӧдлыны.

Восьтӧм 17:12

Дас сюрыс, кодӧс тэ аддзылін, – дас ӧксы, кодъяслы абу на сетӧма ӧксыавны. Но налы лоӧ сетӧма зверыскӧд ӧксыалӧмсӧ, сӧмын оз дыр кад кежлӧ.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.