Восьтӧм 1:8 - Коми Библия 2023

⁸ «Ме эм Альфа и Омега, Панасыс и Помыс», – шуӧ Господь. Сійӧ эм, вӧлі и локтас, Сійӧ – Ставсӧвермысьыс.

Восьтӧм 1:8 Kruisverwysings

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Олӧм 28:3

Мед бурсиас тэнӧ Ставсӧвермысь Ен! Мед Сійӧ сетас тэныд зэв уна чужысьӧс! Тэ лоан унасьыс-уна войтырлы бать.

Олӧм 35:11

Нӧшта Ен шуис сылы: – Ме – Ставсӧвермысь Ен. Рӧдмы-чужтысь, тэсянь петасны войтыръяс, тэсянь чужасны ӧксыяс.

Олӧм 43:14

Ставсӧвермысь Ен мед сетас сійӧ мортыслы бур сьӧлӧм, мед лэдзас Симеонӧс да Веняминӧс бӧр локны тіянкӧд. А меным кӧ шуӧма лоны челядьтӧг, мед лоӧ сідзи».

Олӧм 48:3

Яков шуис Ӧсиплы: «Ставсӧвермысь Ен петкӧдчис меным Ханаанса Лузын да бурсиис менӧ.

Олӧм 49:25

Сійӧ – батьыдлӧн Ен, коді отсалас тэныд, Сійӧ – Ставсӧвермысь, коді бурсиас тэнӧ. Бурсиас енэжвывса бурсиӧмӧн, мупыдӧсса бурсиӧмӧн, морӧс йӧв да мам кынӧм бурсиӧмӧн,

Петӧм 3:14

Ен шуис Мӧисейлы: «Ме Сійӧ, коді эм. Висьтав Израиль пиянлы, мый тэнӧ мӧдӧдіс Сійӧ, кодлӧн нимыс ”Ме эм”».

Петӧм 6:3

”Ставсӧвермысь Ен” ним улын Ме петкӧдчи Ӧвраамлы, Исааклы да Яковлы, но ”Господь” ним улын Ме налы эг воссьыв.

Исай 41:4

Коді вӧчис тайӧс, коді збыльмӧдіс? Сійӧ, коді му пуксьӧмсяньыс сетӧ олӧм. Ме, Господь, Ме – Медводдзаыс, и бӧръя олысьяслы Ме – Сійӧ жӧ.

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 48:12

Кывзы Менӧ, Яков, кывзы, Израиль. Ме тэнӧ чукӧсті. Тайӧ – Ме. Ме – Медводдзаыс, Ме – Медбӧръяыс.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Лыд 24:4

коді кылӧ Енлысь кывъяссӧ, аддзӧ Ставсӧвермысьсянь петкӧдчылӧмъяс, кымынь усьлӧ да восьса синмӧн аддзӧ.

2 Коринфӧ 6:18

Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Восьтӧм 1:4

Иоан чолӧмалӧ асияса сизим вичкоӧс: буралӧм да лӧнь олӧм тіянлы Сысянь, коді эм, вӧлі и локтас, тшӧтш Сылӧн пуклӧс водзын олысь сизим ловсянь

Восьтӧм 11:17

Найӧ шуалісны: – Господьӧй Енмӧй, Ставсӧвермысьӧй, ми аттьӧалам Тэнӧ. Тэ эм, вӧлін и локтан! Аслад ыджыд выннад Тэ лоин ӧксыӧн.

Восьтӧм 15:3

да сьылісны Ен кесйӧг Мӧисейлысь да Балялысь сьыланкывсӧ: – Господьӧй Енмӧй, Ставсӧвермысьӧй! Тэнад уджъясыд ыджыдӧсь да шензьӧданаӧсь, Тэнад туйясыд веськыдӧсь да збыльӧсь! Тэ – вежа войтырлӧн Ӧксыыс!

Восьтӧм 16:14

Тайӧ вӧліны мутияслӧн ловъясыс, кодъяс вӧчисны шензьӧданаторъяс. Найӧ мунісны мувывса став ӧксыыс дінӧ, медым чукӧртны ӧксыясӧс тыш вылӧ Ставсӧвермысь Енлӧн лунӧ.

Восьтӧм 16:7

Ме кылі висьпуктанінсянь мӧд гӧлӧс шы. Сійӧ шуис: – Господьӧй Енмӧй, Ставсӧвермысьӧй, Тэнад мыждӧмыд збыль да веськыд!

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 19:6

Сэсся ме кылі йӧз чукӧрлысь шысӧ, быттьӧ уна шор бузгис-визувтіс, и чорыда гымаліс. Найӧ шуалісны: – Аллилуйя! Господь, Ставсӧвермысь Ен, ӧні лоис Ӧксыӧн!

Восьтӧм 2:8

«Смирна вичкоса анделлы тадзи гиж: Со мый висьталӧ тіянлы Медводдзаыс и Медбӧръяыс, коді вӧлі кулӧма, но ӧні ловъя.

Восьтӧм 21:22

Крамсӧ тайӧ карсьыс ме эг аддзыв, ӧд крамыс сэні – Ставсӧвермысь Господь Ен да Баля.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Восьтӧм 22:13

Ме эм Альфа и Омега, Панасыс и Помыс, Медводдзаыс и Медбӧръяыс».

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.