Восьтӧм 1:7 - Коми Библия 2023

⁷ Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Восьтӧм 1:7 Kruisverwysings

Иов 33:26

Сійӧ пондас кевмысьны Енлы, и Енмыс бурсьӧлӧмтчас сы дінӧ, сійӧ нимкодясьӧмӧн кутас видзӧдны Енлӧн чужӧмбан вылӧ, и Енмыс бара сетас сылы веськыда овны.

Псалтыр 68:1

Сьылысьясӧн веськӧдлысьлы. Сьылӧны ”Шушан” шылад улӧ. Давидлӧн псалом.

Псалтыр 97:2

Господь петкӧдліс Ассьыс мездӧмсӧ, восьтіс войтыръяслы Ассьыс веськыдлунсӧ.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Даниил 7:13

Войся аддзылӧмын меным нӧшта вӧлі петкӧдлӧма, мый енэжвывса кымӧръяс вылын локтіс Морт Пи кодь. Сійӧ матыстчис важысянь Олысь дінӧ, Сійӧс вайӧдісны важысянь Олысь водзӧ.

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Закар 12:11

Сійӧ лунӧ Ерусалимын кутас кывны гораа ырзӧм-бӧрдӧм, сэтшӧм бӧрдӧм, кутшӧмӧс кывлісны Хадад-Риммонын Мегиддо ковтысын.

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 16:28

Веськыда висьтала тіянлы: кодсюрӧ тані сулалысьяс пиысь кувтӧдзныс на аддзасны юравны локтысь Морт Пиӧс».

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Марк 13:26

Сэки аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Марк 14:62

Исус вочавидзис: «Ме. И ті аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Лука 21:27

Сэки аддзасны кымӧр вылын ыджыд вынӧн да дзирдлунӧн локтысь Морт Пиӧс.

Иоан 19:34

Шыпуртаяс пиысь ӧти бытшкис Исуслы шынас ордлы костас, сэтысь чепӧсйис вир да ва.

Иоан 19:37

Мӧдлаын тшӧтш гижӧма: «Найӧ видзӧдласны Сы вылӧ, кодӧс бытшкисны».

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

1 Фессалоникаӧ 4:17

Сэсся миянӧс, ловъяясӧс, накӧд тшӧтш лоӧ кыпӧдӧма кымӧръяс вылын сынӧдас, медым аддзысьны сэні Господькӧд. Тадзи пыр лоам Господькӧд.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

Иуда 1:14

Тайӧ йӧзыс йылысь водзвыв висьтавліс Енок, Адамсянь сизимӧд чужанвужйысь петысь: «Со, локтӧ Господь Аслас лыдтӧм-тшӧттӧм вежа анделъяскӧд,

Восьтӧм 22:20

Тайӧ кывъяссӧ Висьталысьыс шуӧ: «Ме регыд локта, тайӧ тадзи!» Аминь. Лок, Господьӧй Исусӧй!

Восьтӧм 22:4

Найӧ аддзасны Енлысь чужӧмбансӧ, и Сылӧн нимыс лоӧ налӧн плешканыс.

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.