Восьтӧм 1:1 - Коми Библия 2023

¹ Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Восьтӧм 1:1 Kruisverwysings

Даниил 8:16

Улай ю весьтысь ме кылі мортлысь гӧлӧс шысӧ. Сійӧ шуис: «Гавриил, гӧгӧрвоӧд сылы аддзылӧмсӧ!»

Даниил 9:21

Менам кевмысигӧн петкӧдчис Гавриил, кодӧс ме водзынджык аддзылі. Рытъя вись ваян кадӧ сійӧ зэв ӧдйӧ лэбзис мелань да инмӧдчис ме дінӧ.

Даниил 9:23

Кор тэ пондін кевмысьны, Енмыс мӧдӧдіс кыв, и ме локті юӧртны сійӧс тэныд, ӧд тэ муса Енмыслы. Сідзкӧ, сибӧд сьӧлӧмад тайӧ кывсӧ да гӧгӧрво сійӧ, мый аддзылін.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Иоан 12:49

Ме висьталі эг Ассянь. Менӧ мӧдӧдысь Батьӧй Ачыс велӧдіс Менӧ, мый шуны-юӧртны.

Иоан 15:15

Ме ог нин шу тіянӧс кесйӧгъясӧн, ӧд кесйӧг оз тӧд, мый ыджыдыс вӧчӧ. Ме шуа тіянӧс ёртъясӧн, ӧд Ме висьталі тіянлы ставсӧ, мый кывлі Батьсянь.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Иоан 3:32

Сійӧ висьталӧ, мый аддзыліс да кывліс, но Сылысь висьталӧмсӧ йӧзыс сьӧлӧманыс оз сибӧдны.

Иоан 8:26

Ме унатор на верма висьтавны тіян йылысь, унаторйысь мыждыны тіянӧс. Но Ме юӧрта муюгыдыслы сӧмын сійӧ, мый кывлі Менӧ Мӧдӧдысьсянь, ӧд Сійӧ збыльсӧ висьталӧ».

Галатӧ 1:12

Эг мортсянь ме босьт сійӧс, эз морт менӧ велӧд, но ачыс Исус Кристос восьтіс меным сійӧс.

Ефесӧ 3:3

Восьтӧмыс пыр Енмыс сетіс меным тӧдны Ассьыс гусяторсӧ. Та йылысь ме вылынджык дженьыдика гижи нин.

Титлы 1:1

Гижӧ Павел, Енлӧн кесйӧг да Исус Кристослӧн апостол. Менӧ мӧдӧдӧма, мед отсавны Енлӧн бӧрйӧмаяслы эскыны да тӧдны збыльсӧ, медым эськӧ найӧ вермисны овны вежавидзӧмӧн

Восьтӧм 1:19

Сідзкӧ, гиж, мый аддзылін, мый эм да мый лоӧ бӧрыннас.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 17:1

Ме дінӧ матыстчис андел. Сійӧ вӧлі на пӧвстысь, кодъяслӧн вӧлі сизим чашаыс. Сійӧ шуис меным: «Лок татчӧ, ме петкӧдла тэныд, кутшӧм мыждӧм виччысьӧ ваяс дорын пукалысь аньӧс, коді ёна кырсаліс.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 19:9

Андел шуис меным: «Гиж: шудаӧсь найӧ, кодъясӧс корӧма Балялӧн кӧлысь вылӧ». Сэсся содтіс: «Тайӧ Енлӧн збыль кывъясыс».

Восьтӧм 21:2

Ме, Иоан, аддзи вежа кар – выль Ерусалим. Сійӧ лэччис енэжсяньыс, Енсянь. Сійӧс вӧлі мичмӧдӧма, быттьӧ гӧтырпуӧс верӧспуыслы.

Восьтӧм 21:9

Ме дінӧ матыстчис андел. Сійӧ вӧлі сизим андел пӧвстысь, кодъяслӧн вӧлі сизим чаша бӧръя сизим бырӧданторнас. Андел шуис меным: «Лок татчӧ, ме петкӧдла тэныд Балялысь гӧтырпусӧ, коді лоас Сылы гӧтырӧн!»

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».

Восьтӧм 22:6

Андел шуис меным: «Тайӧ кывъясыс веськыдӧсь да збыльӧсь. Вежа пророкъяслӧн Господь Ен мӧдӧдіс Ассьыс анделсӧ, медым петкӧдлыны Аслас кесйӧгъяслы, мый колӧ лоны регыдъя кадӧ».

Восьтӧм 22:8

Ме, Иоан, ставсӧ тайӧс кывлі да аддзылі. А кывлӧм да аддзылӧм бӧрас ме уськӧдчи муас, медым копыртчывны анделлы, коді петкӧдліс меным ставсӧ тайӧс.

Восьтӧм 22:9

Но андел шуис меным: «Эн вӧч тайӧс! Ме кесъяла Енмыслы тэ моз, пророкъяс-вокъясыд моз да на моз, кодъяс олӧны тайӧ небӧгас гижӧм серти. Енмыслы копыртчыв!»

Восьтӧм 4:1

Сэсся ме видзӧдлі енэжас да аддзи сэтысь восьса ӧдзӧс. Сэсянь ме кылі гӧлӧс шы, сійӧ вӧлі труба шы кодь. Тайӧ гӧлӧс шысӧ ме водзынджык кывлі нин. Сійӧ шуис меным: «Кыпӧдчы татчӧ! Ме петкӧдла тэныд, мый лоӧ та бӧрти».

Восьтӧм 5:7

Баляыс матыстчис юралан пуклӧсын Пукалысь дінӧ да босьтіс Сылӧн веськыд киысь гартӧм гижӧдсӧ.