Титлы 1:4 - Коми Библия 2023

⁴ Чолӧмала тэнӧ, Тит. Ӧтувъя эскӧманым тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьсянь да миян Мездысь Господь Исус Кристоссянь.

Титлы 1:4 Kruisverwysings

Лука 2:11

Талун Давид карын тіянлы чужис Мездысь – Господь Кристос.

Иоан 4:42

Найӧ шуисны аньлы: «Ӧні ми эскам огӧ сӧмын тэнад висьталӧм вӧсна. Ми эскам сы понда, мый асьным кывлім Сійӧс да тӧдам: Сійӧ збыльысь муюгыдсӧ Мездысь, Кристос».

Римӧ 1:12

Тадзи эскӧмнаным ми ышӧдам ӧта-мӧднымӧс: ме – тіянӧс, а ті – менӧ.

Римӧ 1:7

Ставныдлы, Римын олысьяслы, буралӧм да лӧнь олӧм Ен Батьнымсянь да Господь Исус Кристоссянь. Енмыслы ті мусаӧсь, ті – Сылӧн корӧм вежа войтыр.

2 Коринфӧ 12:18

Ме кори Титӧс мунны тіян дінӧ, сыкӧд тшӧтш мӧдӧді ӧти вокӧс. Гашкӧ, Тит мыйкӧ аслыс курыштіс? Ми ӧмӧй сыкӧд абу ӧти лолаӧсь? Эг ӧмӧй ӧти туй талялӧй?

2 Коринфӧ 2:13

Но сьӧлӧмӧй ёна майшасис, Тит вокӧс сэтысь эг аддзы да. Сэки ме янсӧдчи сэтчӧс йӧзкӧд да мӧдӧдчи Македонияӧ.

2 Коринфӧ 4:13

Гижӧдыс висьталӧ: «Ме эска, та вӧсна сёрнита». Миян пытшкын тайӧ жӧ эскан лолыс. Ми тшӧтш эскам, та вӧсна и висьталам.

2 Коринфӧ 7:6

Но Енмыс, ловнас усьӧмаясӧс Ышӧдысь, ышӧдіс миянӧс Тит воӧмӧн,

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.

2 Коринфӧ 8:23

Шуны кӧ Тит йылысь, сійӧ – менам уджъёрт, сыкӧд ӧтвыв ми кесъялам тіянлы. Мукӧд вокъяссӧ мӧдӧдісны вичкояс, и налӧн олӧмыс нимӧдӧ Кристосӧс.

2 Коринфӧ 8:6

Та вӧсна ми корим Титӧс водзӧ вӧчны тайӧ бур уджсӧ тіян пӧвстын да вайӧдны сійӧс помӧдз.

Галатӧ 2:3

Весиг мекӧд локтысь Титӧс, кӧть сійӧ грек войтырысь, найӧ эз тшӧктыны вундыштчыны.

Галатӧ 3:26

Исус Кристослы эскӧм пыр ті ставныд – Енлӧн ныв-пи.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Ефесӧ 1:2

Буралӧм да лӧнь олӧм тіянлы Ен Батьнымсянь да Господь Исус Кристоссянь.

Колосӧ 1:2

ми чолӧмалам колосса вежа войтырӧс, Исус Кристослы эскысь вокъясӧс.

1 Тимофейлы 1:12

Ме аттьӧала миянлысь Господь Исус Кристосӧс, ӧд Сійӧ ёнмӧдіс менӧ да лыддис менӧ шогманаӧн кесъявны Сылы.

2 Тимофейлы 1:1

Гижӧ Павел, Ен кӧсйӧм серти Исус Кристослӧн апостол. Менӧ мӧдӧдӧма висьтавны кӧсйысьӧм пыр сетӧм олӧм йылысь. Тайӧ олӧмыс Исус Кристос пытшкын.

2 Тимофейлы 1:2

Бурсетӧм, буралӧм да лӧнь олӧм тэныд, муса Тимофей пиӧй, Ен Батьсянь да миян Господь Исус Кристоссянь.

2 Тимофейлы 4:10

Димас эновтіс менӧ да муніс Фессалоникаӧ. Сылы тайӧ мувывса олӧмыс мусаджык вӧлӧма. Крискент муніс Галатӧ, Тит – Далматияӧ, ӧтнас Лука мекӧд.

Титлы 1:3

Ас кадӧ Ен Мездысьным сетіс тӧдны кывсӧ бурвисьталӧм пыр. Сылӧн тшӧктӧм серти менӧ пуктӧма бурвисьтавны тайӧ кывсӧ.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

2 Петыр 1:1

Гижӧ Симон-Петыр, Исус Кристослӧн кесйӧг да апостол. Чолӧмала тіянӧс, миян моз сьӧлӧманыд эскӧмсӧ босьтысьясӧс. Тайӧ донаторсӧ ми босьтім миян Енлӧн да Мездысь Исус Кристослӧн веськыдлун вӧсна.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

2 Петыр 2:20

Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

2 Петыр 3:2

Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.

1 Иоан 5:14

Ми вермам повтӧг локны Ен водзӧ, ӧд тӧдам: корӧмным кӧ лӧсялӧ Сылӧн кӧсйӧмлы, Сійӧ кылӧ миянӧс.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.