Сьылан 8:5 - Коми Библия 2023

⁵ – Коді тайӧ, овтӧминысь локтысьыс? Сійӧ топӧдчӧма мусукыс бердӧ. (Ныв:) – Яблӧг пу улын ме садьмӧді тэнӧ, сэні коркӧ сьӧктаммис тэнад мамыд, сэні сійӧ чужтіс тэнӧ.

Сьылан 8:5 Kruisverwysings

2 Каднебӧг 32:8

Сыкӧд – мортлӧн выныс, а миянкӧд – Господь, миян Енным. Сійӧ пыр отсалӧ миянлы да тышкасьӧ миян пыдди». Иудаса Езекей ӧксылӧн кывъясыс ёнмӧдісны тышкайӧзӧс.

Псалтыр 63:8

Но Енмыс лыйлас найӧс ньӧвйӧн, найӧс виччысьтӧг лоӧ дойдалӧма.

Псалтыр 63:9

Налӧн кывйыс уськӧдас найӧс асьнысӧ кок йывсьыныс, и тайӧс аддзысьяс бергӧдчасны наысь.

Сьылан 2:3

– Зонъяс пӧвстын менам мусукӧй быттьӧ вӧрса пуяс костын яблӧг пу. Сылӧн вуджӧр улын меным нимкодь пукавны, сылӧн вотӧсыс юмов менам вомын.

Сьылан 3:11

петӧй, сионса нывъяс, видзӧдлӧй Соломон ӧксы вылӧ! Сылӧн юр вылас юркытш – сійӧс мамыс пуктӧма сылӧн гӧтрасян лунӧ, сьӧлӧмсӧ гажӧдан лунӧ.

Сьылан 3:4

Муртса вешйи на дінысь, и ме аддзи ассьым радейтанаӧс. Ме шашаритчи сыӧ, эг лэдз ас дінысь, ме вайӧді сійӧс мам керкаӧ, пырті менӧ чужтысьлӧн вежӧсӧ.

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Сьылан 4:8

– Лок, гӧтырпуӧй, ливанса керӧссянь, лок ме дінӧ Ливансянь! Лэччы Амана керӧс йывсянь, коль Сенир да Ермон керӧсъяс, левлысь сайӧдчанінсӧ, леопардлысь оланінсӧ.

Сьылан 6:10

«Коді тайӧ? Сійӧ асъя кыа моз дзирдалӧ, сійӧ тӧлысь кодь мича, шонді кодь югыд, дӧрапасӧн локтысь тышкайӧз кодь шемӧсмӧдана». (Ныв:)

Сьылан 8:1

– Тэ кӧ эськӧ вӧлін менам вокӧн, кодӧс мамӧй нёньӧдліс! Сэки эськӧ ывлаын паныдасигӧн ме окалі тэнӧ, и менӧ некод эз мыжды.

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.

Исай 40:3

Кылӧ горзысьлӧн шы: – Овтӧминын лӧсьӧдӧй туй Господьлы, увтасінын вӧчӧй веськыд туй миян Енлы!

Исай 43:19

Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Осий 12:4

Сійӧ вермасис анделкӧд да вермис сійӧс, бӧрдӧмӧн корис бурсьӧлӧмтчыны сы дінӧ. Вефильын сійӧ паныдасис Енкӧд, сэні Енмыс сёрнитіс сыкӧд.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Иоан 13:23

Велӧдчысьяс пиысь ӧти, коді вӧлі муса Исуслы, нёровтчӧмӧн пукаліс Исус бердын.

Римӧ 7:4

Тадзи тшӧтш ті, вокъясӧй, Кристос вир-яйӧ йитчӧмнаныд кулінныд Индӧдыслы да лоинныд Мӧдыслӧн, кулӧмысь Ловзьысьыслӧн, медым вайны Енлы вотӧс.

Галатӧ 4:19

Челядь, меным бара лоӧ сьӧкыда чужтыны тіянӧс, кытчӧдз Кристос оз тыдовтчы тіян олӧмын.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

Восьтӧм 12:6

А аньыс пышйис овтӧминӧ. Сэні Енмыс дасьтӧма вӧлі оланін, медым вердны тайӧ аньсӧ сюрс кыксё квайтымын лун чӧж.