Сьылан 7:5 - Коми Библия 2023

⁵ Тэнад сьыліыд слӧн лыысь вӧчӧм сюръя кодь, синмыд хешбонса вайӧртӧд кодь, Бат-Раббим дзиръядорса вайӧртӧд кодь, нырыд Дамасклань видзӧдысь ливанса башня кодь.

Сьылан 7:5 Kruisverwysings

Олӧм 32:26

Сэсся шуис Яковлы: «Лэдз Менӧ, ӧд кыа нин петӧ». Яков шуис: «Ог лэдз, кытчӧдз он бурси менӧ».

Псалтыр 68:24

Налӧн синныс мед дзикӧдз пемдас, налӧн кокныс мед лигышмунас пыр кежлӧ.

Псалтыр 87:2

Господьӧй Енмӧй, менӧ Мездысьӧй, лун и вой ме шыася Тэ дінӧ.

Шусьӧгъяс 5:19

аслад сьӧлӧмшӧрӧн, тэрыб вӧраса мича аньӧн. Сылӧн морӧс бердын мед быд кадӧ лоӧ лӧсьыд тэныд, сылӧн муслуныс мед пыр юкталас тэнӧ.

Сьылан 4:1

– Кутшӧм мича тэ, мусаӧй, тэ мичасьыс-мича! Чужӧмвевттьӧд улад синмыд гулю кодь, юрсиыд Галаад керӧс вывсянь лэччысь кӧза чукӧр кодь.

Сьылан 4:4

Тэнад сьыліыд Давидлӧн башня кодь, кӧні ӧшалӧ сюрс мында сайӧдпӧв, тышкайӧзлӧн став сайӧдыс.

Сьылан 5:11

Сылӧн юрыс сӧстӧм зарни кодь, читкыля юрсиыс кырныш кодь сьӧд.

Исай 35:2

Сійӧ пондас мичаа дзоридзавны, нимкодясьны да долыда гажӧдчыны, пондас нимавны Ливан моз, лоӧ Кармил керӧс да Шарон ласта кодь мича. Став йӧзыс аддзасны Господьлысь дзирдлунсӧ, миян Енлысь вынсӧ.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Лыд 21:26

Хешбон вӧлі аморей Сигон ӧксылӧн кар. Сигон водзынджык тышкасьліс моавса ӧксыкӧд да босьтіс сылысь став мусӧ Арнон юӧдз.

Матвей 18:20

Ӧд кӧні кыкӧн-куимӧн чукӧртчасны Менам нимӧн, сэні Ме на шӧрын лоа».

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Ефесӧ 1:22

Енмыс ставсӧ пуктіс Кристос кок улӧ да индіс Сійӧс медыджыдӧн, вичколы юрӧн.

Колосӧ 1:18

Сійӧ вир-яйыслӧн, вичколӧн, Юрыс. Сійӧ эм Панасыс. Сійӧ кулӧмаясысь медводдза Ловзьысь, медым быдторйын лоны медводдзаӧн.

Колосӧ 2:19

Тайӧ йӧзыс абу йитчӧмаӧсь Юрыскӧд. Юрыс ӧд веськӧдлӧ став вир-яйнас, кӧні быд юкӧн йитӧма-тэчӧма сӧн-лутш отсӧгӧн. Тадзи вир-яйыс быдмӧ-сӧвмӧ Ен ногӧн.

Восьтӧм 1:14

Сылӧн юрыс да юрсиыс вӧліны дзик еджыдӧсь, быттьӧ еджыд вурун, быттьӧ лым, а синмыс ыпъяліс би моз.