Сьылан 7:4 - Коми Библия 2023

⁴ Тэнад морӧсыд – двӧйни кӧрпиян, двӧйни газельяс кодьӧсь.

Сьылан 7:4 Kruisverwysings

Олӧм 15:2

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

Ӧксыяслӧн 2 небӧг 8:6

Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

Ӧксыяслӧн 3 небӧг 10:18

Слӧн лыысь ӧксы вӧчӧдіс ыджыд юралан пуклӧс, сійӧс эжисны весалӧм зарниӧн.

Ӧксыяслӧн 3 небӧг 10:22

Хирамлӧн корабльясысь ӧтдор саридз вылын Соломон ӧксылӧн вӧліны тшӧтш фарсисса корабльяс. Куим во пытшкас ӧтчыдысь фарсисса корабльяс вайлісны зарни-эзысь, слӧн лы, ӧблезянаясӧс да павлинъясӧс.

Ӧксыяслӧн 3 небӧг 22:39

Ахав ӧксыалӧм дырйи мукӧд лоӧмторъяс йылысь, сылӧн уджъясыс йылысь, слӧн лыысь вӧчӧм керка йылысь да лэптӧм каръясыс йылысь гижӧма израильса ӧксыяслӧн каднебӧгӧ.

Ӧксыяслӧн 3 небӧг 7:2

Керка пытшкас сійӧ вӧчис торъя ыджыд вежӧс да нимтіс сійӧс ливанса сус пу керкаӧн. Тайӧ вежӧсыс вӧлі сё гырддза кузьта, ветымын гырддза пасьта да комын гырддза судта. Сійӧ мыджсис нёль визьӧн сувтӧдӧм сус пу сюръяяс вылӧ, а сюръяяс вылас вомӧнӧн вӧлі пукталӧма сус пу матичьяс.

Ӧксыяслӧн 3 небӧг 9:19

Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

2 Каднебӧг 8:6

Сійӧ лэптіс Баалат кар. Нянь да эмбур, тарантасъяс да вӧвъяс видзӧм могысь кыпӧдіс аслыс каръяс. Ерусалимын, Ливанын да аслас киподувса муын сійӧ лэптіс ставсӧ, мый кӧсйис.

Псалтыр 144:12

Сэки йӧзыс тӧдмаласны Тэнсьыд вына уджъястӧ, Тэнсьыд дзирдлуна юралӧмтӧ.

Псалтыр 45:8

Господь Саваоф миянкӧд, Яковлӧн Енмыс – миянӧс Дорйысьыс.

Сьылан 1:10

Ми вӧчам тэныд зарни сикӧтш, эзысь чиръясӧн сійӧс мичмӧдам. (Ныв:)

Сьылан 4:1

– Кутшӧм мича тэ, мусаӧй, тэ мичасьыс-мича! Чужӧмвевттьӧд улад синмыд гулю кодь, юрсиыд Галаад керӧс вывсянь лэччысь кӧза чукӧр кодь.

Сьылан 4:4

Тэнад сьыліыд Давидлӧн башня кодь, кӧні ӧшалӧ сюрс мында сайӧдпӧв, тышкайӧзлӧн став сайӧдыс.

Сьылан 4:5

Тэнад морӧсыд – двӧйни кӧрпиян, лилия пӧвстын йирсьысь двӧйни газельяс.

Сьылан 6:5

Вешты синтӧ ме вылысь, тэнад видзӧдласыд менӧ шӧйӧвоштӧ!

Исай 54:4

Эн пов, водзӧ тэнӧ некод оз кут янӧдны, эн майшась, тэныд оз ло юръяндзим. Тэ вунӧдан томдырся яналӧмтӧ, он нин кут казьтывны дӧва кадся увтыртӧмтӧ.

Еврейяслы 5:14

Но тыр арлыдаяслы колӧ пӧткӧдчыны чорыд сёянӧн, ӧд найӧ вермӧны нин торйӧдны бурсӧ да лёксӧ.