Сьылан 7:1 - Коми Библия 2023

¹ – Бергӧдчы, бӧр лок, суламса нылӧй! Бергӧдчы, бӧр лок, кӧсъям видзӧдлыны тэ вылӧ. (Ныв:) – Мыйла тіянлы видзӧднысӧ суламса ныв вылӧ, видзӧдны маханаимса йӧктысьяс вылӧ моз? (Зон:)

Сьылан 7:1 Kruisverwysings

Олӧм 32:3

Яковлӧн Исав вокыс оліс Эдомын, Сеир керӧсвыв муын. Яков ыстіс юӧртысьясӧс вокыс дінӧ,

Петӧм 28:15

Вӧч веськыда мыждӧмсӧ петкӧдлан морӧсводз. Серлӧдлӧмӧн кы сійӧс ефодӧс моз зарниысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.

Петӧм 28:42

Шабді дӧраысь вур налы улыс гачьяс, медым налӧн куш яйыс коссяньыс пидзӧсӧдзыс вӧлі тупкӧма.

Петӧм 35:35

Господь сетіс налы мывкыдлун, медым найӧ [вежаин вӧчигӧн] кужисны вундасьны, серлӧдлӧмӧн кыны дӧра, серпасъясӧн мичмӧдны гӧрдовлӧз пемыдгӧрд, югыдгӧрд да вӧсни шабді шӧртъясысь кыӧм дӧраяс – вӧчны ставсӧ, мый кужӧны вӧчны киподтуя йӧз.

Сьылан 7:2

– Кутшӧм лӧсьыд тэнад сандалиа кокыд, пыдди пуктана нылӧй! Тэнад коскыд сикӧтш кодь, кужысь киӧн гӧгрӧстӧма.

Даниил 2:32

Сылӧн юрыс вӧлі сӧстӧм зарниысь, морӧсыс да киясыс – эзысьысь, кынӧмыс да лядьвейясыс – ыргӧнысь.

Лука 15:22

Батьыс тшӧктас кесйӧгъясыслы: ”Вайӧй медбур паськӧмсӧ да пасьтӧдӧй менсьым пиӧс, чунькытшӧдӧй да кӧмӧдӧй сійӧс.

2 Коринфӧ 6:18

Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.

Ефесӧ 6:15

Тіян кӧмкотӧн мед лоӧ дасьлун висьтавлыны лӧньлун йылысь Бур Юӧрсӧ.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.

Колосӧ 2:19

Тайӧ йӧзыс абу йитчӧмаӧсь Юрыскӧд. Юрыс ӧд веськӧдлӧ став вир-яйнас, кӧні быд юкӧн йитӧма-тэчӧма сӧн-лутш отсӧгӧн. Тадзи вир-яйыс быдмӧ-сӧвмӧ Ен ногӧн.