Сьылан 6:11 - Коми Библия 2023

¹¹ – Ме муні кольтуся сад йӧрӧ, лэччи веж ковтысӧ видзӧдлыны, эз-ӧ мыччысь виноград кор, оз-ӧ дзоридзав гранат пу.

Сьылан 6:11 Kruisverwysings

Олӧм 2:9

Господь Ен быдтіс-петкӧдіс муысь быдсяма пусӧ – синтӧ гажӧданасӧ и бур вотӧс вайысьсӧ. Нӧшта пуктіс сад йӧр шӧрӧ олӧмыслысь пу да бурсӧ и лёксӧ тӧдмалан пу.

Олӧм 40:10

куим вожаӧс. Коръясыс потісны, сэсся пуыс дзоридзаліс, та бӧрын гӧрддзасис да кисьмис вотӧсыс.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Сьылан 6:12

Эг и тӧдлы, кыдзи сьӧлӧмӧй кыскис менӧ менам войтырысь пыдди пуктанаяслӧн тарантас дорӧ.

Сьылан 6:2

– Менам мусукӧй лэччӧма аслас сад йӧрӧ, кӧні быдмӧны чӧскыда ӧвтысь быдмӧгъяс, сійӧ пӧткӧдчӧ сад йӧр вотӧснас, ӧктӧ сэтысь лилия.

Сьылан 7:12

Лок, мусукӧй, мунам видз вылӧ, войсӧ коллялам хна пӧвстын.

Сьылан 7:13

Асъядорыс мунам виноград йӧрӧ, видзӧдлам, мыччысьӧма-ӧ виноград корйыс, гӧрддзасьӧма-ӧ сылӧн вотӧсыс, видзӧдлам, дзоридзалӧ-ӧ гранат пу. Сэні ме козьнала тэныд муслунӧс.

Марк 11:13

Ылысянь Сійӧ аддзис коръя инжир пу да муніс видзӧдлыны, оз-ӧ сюр сэтысь тусьтор. Матыстчис пу дінас да аддзис сӧмын коръяссӧ, ӧд эз на во тусь гӧрддзасян кадыс.

Лука 13:7

Сэки сійӧ шуас виноград йӧрын уджалысьлы: ”Куим во чӧж нин виччыся тайӧ инжир пуыслысь вотӧссӧ, но аддза, мый весьшӧрӧ. Керышт сійӧс, ӧд сӧмын муыслысь вынсӧ босьтӧ”.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Ап. уджъяс 15:36

Кутшӧмкӧ кад мысти Павел шуис Варнавалы: «Мунам да выльысь кытшовтам сійӧ каръяссӧ, кӧні ми висьтавлім Господьлысь кывсӧ, тӧдмалам, кыдзи олӧны миян вокъяс».