Сьылан 5:6 - Коми Библия 2023

⁶ Ме восьті ӧдзӧсӧс мусукӧйлы, но сійӧ, вӧлӧм, бӧр нин мунӧма. Таысь сьӧлӧмӧй кувмӧн жугыльтчис. Ме сійӧс корси, но эг аддзы, чуксалі, но сійӧ эз вочавидз.

Сьылан 5:6 Kruisverwysings

Олӧм 42:28

Вокъясыслы шуис: «Видзӧдӧй, менам сьӧмӧй мешӧкын!» Найӧ шай-паймунісны, полӧмпырысь юасисны ӧта-мӧдныслысь: «Мый нӧ вӧчис миянкӧд Енмыс?»

Ӧксыяслӧн 2 небӧг 16:10

Ӧксы шуис: «Мый ті ме понда шогсянныд, Саруя пиян? [Кольӧй сійӧс.] Мед лёкӧдас менӧ. Господь кӧ тшӧктіс лёкӧдны, вермас-ӧ кодкӧ юавны, мыйла сійӧ тадзи вӧчӧ».

Псалтыр 28:1

Давидлӧн псалом. [Сьылӧны Чом вӧчан лунъяс помасигӧн.] Енэжвывса олысьяс, кыпӧдӧй ошкӧм Господьлы, ошкӧй-нимӧдӧй Господьӧс!

Псалтыр 30:7

Идолъяслы юрбитысьясӧс мустӧмта, ме лача кута Господь вылӧ.

Псалтыр 69:3

Мед яналасны да лоӧны серамтуйынӧсь менсьым олӧмӧс корсьысьяс. Мед бӧр бергӧдчасны да лоӧны серамтуйынӧсь меным лёксӧ кӧсйысьяс.

Псалтыр 77:3

Мый кывлім да тӧдмалім, мый батьяс миянлы висьтавлісны,

Псалтыр 80:4

Буксӧй буксанӧн выль тӧлысь чужигӧн, миян гажӧдчан кадӧ, кор енэжас тӧлысьыс тырвыйӧ содас.

Шусьӧгъяс 1:28

Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.

Сьылан 5:2

– Ачым узя, а сьӧлӧмӧй оз узь. Кыла – мусукӧй игӧдчӧ. (Зон:) – Чоюкӧй, мусаӧй, сӧстӧм гулюӧй, восьт меным ӧдзӧстӧ! Юрӧй кӧтасис лысвасьыс, юрсиӧй вазис войся уль сынӧдсьыс. (Ныв:)

Сьылан 5:4

Менам мусукӧй ӧдзӧс розьӧдыс кисӧ нюжӧдіс, и менам пытшкӧсӧй пондіс пессьыны.

Сьылан 6:1

– Кытчӧ тэнад мусукыд мунӧма, медмича аньӧй? Кодарланьӧ тэнад сьӧлӧмшӧрыд кежӧма? Висьтав, и ми тэкӧд корсям сійӧс. (Ныв:)

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Исай 58:2

Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.

Исай 8:17

Ме виччыся Господьӧс, кӧть Сійӧ тупкис Ассьыс чужӧмбансӧ Яковлӧн рӧдысь. Господь вылӧ ме лача кута!

Бӧрданкыв 3:8

Ме бӧрдӧмӧн горзі, но Сійӧ эз кыв менсьым кевмӧмӧс.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Осий 5:6

Асланыс ыжъясӧн да ӧшъясӧн найӧ мунасны корсьны Господьӧс, но оз аддзыны Сійӧс, ӧд Сійӧ ылыстчис наысь.

Закар 7:13

Ме шыасьлі на дінӧ, но найӧ эз кывзыны Менӧ. Тадзи жӧ Ме найӧс эг кывзы, кор найӧ шыасьлісны Ме дінӧ, – висьталӧ Господь Саваоф. –

Матвей 26:75

Сэки Петырлы тӧд вылас уси Исуслӧн шуӧмыс: «Петук чукӧсттӧдз на тэ куимысь соссян Меысь». Петыр петіс да курыда бӧрддзис.

Марк 14:72

Кыліс петуклӧн мӧдысь чукӧстӧм. Сэки Петырлы тӧд вылас уси Исуслӧн шуӧмыс: «Петуклӧн кыкысь чукӧсттӧдз на тэ куимысь соссян Меысь». Петыр ырзӧмӧн бӧрддзис.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!

Ӧксыяслӧн 1 небӧг 28:6

Сэки сійӧ шыасис Господь дінӧ, но Господь сылы эз вочавидз вӧт пыр ни уримӧн пудъясьӧм пыр, весиг пророкъяс пыр.