Сьылан 5:13 - Коми Библия 2023

¹³ Сылӧн бандзибъясысь ӧвтӧ сад йӧрысь моз, кӧні быдмӧны чӧскыда ӧвтысь быдмӧгъяс. Сылӧн вомдорыс лилия дзоридз кодь, вомдорсьыс войталӧ смирна.

Сьылан 5:13 Kruisverwysings

Псалтыр 27:4

Мынтысь налы уджъясныс да лёк вӧчӧмныс серти, мынтысь налы сы серти, мый вӧчисны асланыс киӧн. Сет налы сійӧ, мый асьныс корсисны.

Псалтыр 45:2

Енмыс – миянлы сайӧдчаніныс да выныс, Сійӧ тэрмасьӧ отсавны шог дырйи.

Псалтыр 45:3

Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,

Псалтыр 89:15

Гажӧд миянӧс сійӧ лунъясыс пыдди, кор Тэ дойдалін миянӧс, сійӧ воясыс пыдди, кор ми нуим сьӧкыдсӧ.

Сьылан 1:10

Ми вӧчам тэныд зарни сикӧтш, эзысь чиръясӧн сійӧс мичмӧдам. (Ныв:)

Сьылан 1:16

миян сайӧдыс – сус пуяс, миян лэбулыс – кипарис.

Сьылан 2:1

– Ме – шаронса нарцисс, ковтысын быдмысь лилия. (Зон:)

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Сьылан 4:11

Ма войталӧ тэнад вомдорысь, гӧтырпуӧй, ма да йӧв тэнад вом пытшкын! Тэнад паськӧмысь ӧвтӧ ливанса вӧрӧн.

Сьылан 5:5

Ме чеччи восьтны мусуклы, менам киысь смирна войталіс, чуньясысь войталіс ӧдзӧс вуг вылӧ.

Сьылан 6:2

– Менам мусукӧй лэччӧма аслас сад йӧрӧ, кӧні быдмӧны чӧскыда ӧвтысь быдмӧгъяс, сійӧ пӧткӧдчӧ сад йӧр вотӧснас, ӧктӧ сэтысь лилия.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 50:6

Ме сеті кучкавны ассьым мышкӧс, лэдзи нетшкыны тошкӧс. Ассьым чужӧмӧс эг тупкы менӧ лёкӧдысьясысь да ме вылӧ сьӧлалысьясысь.

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.