Сьылан 4:9 - Коми Библия 2023

⁹ Тэ пӧлӧнитін менсьым сьӧлӧмӧс, чоюкӧй-гӧтырпуӧй, гусялін аслад ӧтчыд видзӧдлӧмӧн, аслад сикӧтш молльӧн.

Сьылан 4:9 Kruisverwysings

Олӧм 20:12

Збыльвылас кӧ, сійӧ менам чой и эм, батьӧйлӧн ныв, сӧмын мӧд мамсянь. Ӧні сійӧ менам гӧтыр.

Олӧм 41:42

Фараон пӧрччис ассьыс чунькытшсӧ да чунькытшӧдіс Ӧсипӧс. Сэсся сетіс сылы шабді паськӧм, сьыліас ӧшӧдіс зарни сикӧтш.

Псалтыр 45:9

Локтӧй да видзӧдӧй Господьлысь уджъяссӧ, Сыӧн бырӧдӧм мувывса оланінъяс.

Шусьӧгъяс 1:9

Налӧн велӧдӧмыс – тэнад юр вылӧ пуктӧм мича юркытш кодь, сьылітӧ мичмӧдысь сикӧтш кодь.

Шусьӧгъяс 6:25

Сьӧлӧмад эн ышты сылӧн мичлуныс вылӧ, [синмыд мед оз корсь сійӧс,] син лапйӧдлӧмнас мед оз тывйышт тэнӧ.

Сьылан 1:10

Ми вӧчам тэныд зарни сикӧтш, эзысь чиръясӧн сійӧс мичмӧдам. (Ныв:)

Сьылан 1:15

– Мусукӧй, тэ медлӧсьыдыс да медмусаыс! Миян вольпасьным – веж турун,

Сьылан 3:11

петӧй, сионса нывъяс, видзӧдлӧй Соломон ӧксы вылӧ! Сылӧн юр вылас юркытш – сійӧс мамыс пуктӧма сылӧн гӧтрасян лунӧ, сьӧлӧмсӧ гажӧдан лунӧ.

Сьылан 4:10

О, кутшӧм юмов тэнад муслуныд, чоюкӧй-гӧтырпуӧй! Тэнад муслуныд вина дорысь на чӧскыд! Тэнад мавтасыд став быдмӧгсьыс на чӧскыда ӧвтӧ.

Сьылан 4:12

Менам чоюкӧй-гӧтырпуӧй йигналӧм сад йӧр кодь, тупкыса юкмӧс кодь, пӧдса ва петанін кодь.

Сьылан 6:12

Эг и тӧдлы, кыдзи сьӧлӧмӧй кыскис менӧ менам войтырысь пыдди пуктанаяслӧн тарантас дорӧ.

Сьылан 6:5

Вешты синтӧ ме вылысь, тэнад видзӧдласыд менӧ шӧйӧвоштӧ!

Сьылан 7:10

вомдорыд лоӧ бур винаӧн, мый визувтӧ радейтчысьлы, кӧтӧдӧ мудзӧмалысь вомдорсӧ. (Ныв:)

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Езекиль 16:11

Ме мичмӧді тэнӧ. Ки вылад ӧшӧді сойкытшъяс, сьыліад – сикӧтш,

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Даниил 5:7

Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

1 Коринфӧ 9:5

Гашкӧ, миянлы оз позь мукӧд апостолыс моз босьтны аскӧд эскысь гӧтырӧс? Ӧд тадзи вӧчӧны Господьлӧн вокъяс да Кифа.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Восьтӧм 21:2

Ме, Иоан, аддзи вежа кар – выль Ерусалим. Сійӧ лэччис енэжсяньыс, Енсянь. Сійӧс вӧлі мичмӧдӧма, быттьӧ гӧтырпуӧс верӧспуыслы.