Сьылан 4:15 - Коми Библия 2023

¹⁵ Тэ – сад йӧрын ва петанін, ловъя ва юкмӧс, кытчӧ Ливан керӧссянь визувтӧ ва. (Ныв:)

Сьылан 4:15 Kruisverwysings

Псалтыр 46:4

Сійӧ сетіс миян кипод улӧ войтыръясӧс, пуктіс найӧс миян кок улӧ.

Шусьӧгъяс 5:16

Тэнад дзулькйысь ваыд мед оз киськась ывлаӧ, мед оз визувт изэрд вылӧ.

Шусьӧгъяс 5:18

Мед бурсиӧма лоас тэнад ва петаніныд, нимкодясь аслад том кадся гӧтырӧн,

Еклесиаст 2:6

кодйи вайӧртӧдъяс, медым киськавны быдмысь пуяссӧ.

Сьылан 4:12

Менам чоюкӧй-гӧтырпуӧй йигналӧм сад йӧр кодь, тупкыса юкмӧс кодь, пӧдса ва петанін кодь.

Исай 58:11

Господь пыр кутас нуӧдны тэнӧ. Кос кадӧ Сійӧ пӧткӧдас тэнӧ, ёнмӧдас тэнсьыд вир-яйтӧ. Тэ лоан киськалӧм сад йӧр кодь, пыр визувтысь ва петанін кодь.

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 7:38

Коді эскӧ Меным, сылӧн пытшкӧссьыс визувтасны ловъя валӧн юяс. Тадзи висьталӧ Гижӧдыс».

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.