Сьылан 4:11 - Коми Библия 2023

¹¹ Ма войталӧ тэнад вомдорысь, гӧтырпуӧй, ма да йӧв тэнад вом пытшкын! Тэнад паськӧмысь ӧвтӧ ливанса вӧрӧн.

Сьылан 4:11 Kruisverwysings

Олӧм 27:27

Яков матыстчис да окыштіс батьсӧ. Сэки Исаак кыліс паськӧм дуксӧ да бурсиис шуалӧмӧн: – Менам пи дорысь ӧвтӧ Господьӧн бурсиӧм видзьясӧн.

Псалтыр 19:10

Господьӧй, мезды ӧксыӧс! Кор шыасям Тэ дінӧ, вочавидз миянлы!

Псалтыр 45:8

Господь Саваоф миянкӧд, Яковлӧн Енмыс – миянӧс Дорйысьыс.

Шусьӧгъяс 16:24

Лӧсьыда шуӧм кывйыд – ма кодь, ловтӧ гажӧдӧ, лыястӧ бурдӧдӧ.

Шусьӧгъяс 5:2

сэки тэ видзан вежӧртӧ, вомнад висьталан тӧдӧмлунсӧ. [Эн кывзы леститчысь аньӧс.]

Шусьӧгъяс 5:3

Йӧз гӧтырыдлӧн сёрниыс ма моз визувтӧ, выйысь небыдджыка на мавтыштӧ,

Сьылан 4:10

О, кутшӧм юмов тэнад муслуныд, чоюкӧй-гӧтырпуӧй! Тэнад муслуныд вина дорысь на чӧскыд! Тэнад мавтасыд став быдмӧгсьыс на чӧскыда ӧвтӧ.

Сьылан 4:3

Тэнад вомдорыд гӧрд лента кодь, льӧбъясыд чӧскыдӧсь. Тэнад бандзибъясыд гранат джын кодьӧсь, дзебсьӧмаӧсь чужӧмвевттьӧд улад.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Сьылан 5:13

Сылӧн бандзибъясысь ӧвтӧ сад йӧрысь моз, кӧні быдмӧны чӧскыда ӧвтысь быдмӧгъяс. Сылӧн вомдорыс лилия дзоридз кодь, вомдорсьыс войталӧ смирна.

Сьылан 7:9

Ме мӧвпышті: кавшася тайӧ пальма вылас, кутчыся сылӧн вотӧса увъясӧ. Морӧсыд лоӧ меным виноград розйӧн, лолалӧмыд – яблӧг ӧвтӧмӧн,

Исай 7:15

Сійӧ кутас пӧткӧдчыны йӧлӧн да маӧн сійӧ кадӧдзыс, кор велалас ӧтдортны лёксӧ да бӧрйыны бурсӧ.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Еврейяслы 13:15

Сідзкӧ, Исус пыр кутам дугдывтӧг вайны Енлы аттьӧалана вись, асланым вомӧн кутам ошкыны Сылысь нимсӧ.