Сьылан 3:6 - Коми Библия 2023

⁶ – Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Сьылан 3:6 Kruisverwysings

Петӧм 30:34

Господь тшӧктіс Мӧисейлы: «Босьт ӧтмындаӧн чӧскыд ӧвтанторъяс – стакти, оних да халван, тшӧтш ладан сир.

Шусьӧгъяс 7:17

узьланінӧс резі смирнаӧн, алоэӧн да корицаӧн.

Сьылан 1:13

Менам мусукӧй дзоридзалысь хна кодь, Эн-Гедиын виноград йӧрын быдмысь хна кодь. (Зон:)

Сьылан 1:3

Босьт менӧ киӧд, вай котӧртам! Пырт менӧ аслад вежӧсӧ, ӧксыӧй! Пондам долыда нимкодясьны, вина дорысь ёнджыка ошкыны тэнсьыд муслунтӧ. Оз весьшӧрӧ тэнӧ радейтны.

Сьылан 3:7

Видзӧдлӧй, тайӧ ӧд Соломонлӧн пуклӧсыс! Сы гӧгӧр квайтымын тышка морт, Израильлӧн медвынаясыс.

Сьылан 4:6

Кор луныс ыркыдӧн лолалӧ, кор вуджӧръяс пышйӧны, ме кая смирна керӧс йылӧ, муна ладан ыб вылӧ.

Сьылан 5:13

Сылӧн бандзибъясысь ӧвтӧ сад йӧрысь моз, кӧні быдмӧны чӧскыда ӧвтысь быдмӧгъяс. Сылӧн вомдорыс лилия дзоридз кодь, вомдорсьыс войталӧ смирна.

Сьылан 5:5

Ме чеччи восьтны мусуклы, менам киысь смирна войталіс, чуньясысь войталіс ӧдзӧс вуг вылӧ.

Сьылан 8:5

– Коді тайӧ, овтӧминысь локтысьыс? Сійӧ топӧдчӧма мусукыс бердӧ. (Ныв:) – Яблӧг пу улын ме садьмӧді тэнӧ, сэні коркӧ сьӧктаммис тэнад мамыд, сэні сійӧ чужтіс тэнӧ.

Исай 43:19

Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 31:2

Господь тадзи висьталӧ: – Войтыр, коді ловйӧн колис шыпуртысь, овтӧминын аддзис Менсьым буралӧмӧс. Ме локта лӧньӧдны Израильӧс.

Осий 9:10

Ме аддзи Израильӧс овтӧминысь – сійӧ вӧлі виноград вотӧс кодь. Ме аддзи Израильлысь батьяссӧ – найӧ вӧліны инжир пулӧн медводдза вотӧс кодьӧсь. Но найӧ мунісны Ваал-Пеорӧ, сетчисны яндысьтӧм олӧмас, лоины пежӧсь, радейтана идолъясныс кодьӧсь.

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Индӧд 8:2

Энӧ вунӧдӧй, кыдзи нелямын во чӧж Господь, тіян Енныд, нуӧдіс тіянӧс овтӧминӧд, медым раммӧдны тіянлысь сьӧлӧмнытӧ да тӧдмавны тіянӧс, тіянлысь сьӧлӧмпытшса мӧвпнытӧ, кутанныд-ӧ овны Сылӧн тшӧктӧмъяс серти.

Филипӧ 4:18

Епафродит сетіс тіянлысь мӧдӧдӧмторнытӧ, ӧні менам ставыс эм, весиг коланасьыс унджык на. Тіян сетӧмторныд – Енлы шогмана чӧскыда ӧвтан вись кодь, тайӧ Сылы сьӧлӧм сертиыс.

Восьтӧм 12:14

Аньлы вӧлі сетӧма ыджыд кутшлысь кык борд, медым сійӧ лэбзис змейысь овтӧминӧ, сылы дасьтӧминӧ. Сэні кутасны вердны сійӧс куим во да джын.

Восьтӧм 12:6

А аньыс пышйис овтӧминӧ. Сэні Енмыс дасьтӧма вӧлі оланін, медым вердны тайӧ аньсӧ сюрс кыксё квайтымын лун чӧж.

Восьтӧм 18:13

Некод оз босьт налысь корица да ладан, чӧскыд дука вый да пуысь пычкӧм дона вый, вина да олив вый, пызь да шобді, ыж-мӧскӧс да вӧвъясӧс, тарантасъяс, кесйӧгъясӧс да мукӧд йӧзсӧ.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.