Сьылан 2:8 - Коми Библия 2023

⁸ – Мусукӧй локтӧ, ме кыла сылысь гӧлӧс шысӧ. Сійӧ котӧртӧ керӧсъяс вывті, чеччалӧ мылькъяс вомӧн.

Сьылан 2:8 Kruisverwysings

Ӧксыяслӧн 2 небӧг 6:16

Кор Господьлысь кудсӧ пыртісны Давид карӧ, Сауллӧн Мелкола нылыс видзӧдіс ӧшиньӧдыс. Сійӧ аддзис, мый Давид ӧксы чеччалӧ-йӧктӧ Господь водзын, да омӧльтіс сійӧс ас пытшкас.

Сьылан 2:17

Кор луныс ыркыдӧн лолалӧ, кор вуджӧръяс пышйӧны, тэрмась, мусукӧй! Котӧрт газель моз, том кӧр моз котӧрт керӧс потасӧд.

Сьылан 4:16

– Кыпӧдчы, вой тӧв, пӧльышт, лун тӧв! Пӧльышт менам сад вылӧ, медым паськалас сылӧн чӧскыд дукыс! Мед локтас менам мусукӧй аслас сад йӧрӧ, мед видлас сэтысь чӧскыд вотӧссӧ.

Сьылан 5:2

– Ачым узя, а сьӧлӧмӧй оз узь. Кыла – мусукӧй игӧдчӧ. (Зон:) – Чоюкӧй, мусаӧй, сӧстӧм гулюӧй, восьт меным ӧдзӧстӧ! Юрӧй кӧтасис лысвасьыс, юрсиӧй вазис войся уль сынӧдсьыс. (Ныв:)

Исай 35:6

Чотысь пондас кӧр моз чеччавны, сёрнитны вермытӧм морт пондас сьывны. Кушинын воссясны ва петанінъяс, кос му вывті визувтасны шоръяс.

Исай 44:23

Нимкодясьӧй, енэжъяс, ӧд Господь вӧчис тайӧс. Гораа горӧдӧй, му пыдӧсъяс, гораа нимкодясьӧй, керӧсъяс, нимкодясьӧй, вӧр да вӧрса пуяс, ӧд Господь ньӧбис Яковӧс, Господьӧс лоӧ нимӧдӧма Израильӧс мездӧм пыр.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Еремей 48:27

Моав, эн-ӧ тэ серав Израиль вылын? Тэ ӧд сійӧс эн кут гусясьысьяс пӧвстысь, но сы йылысь сёрнитігӧн юрнад довкйӧдлан.

Лука 6:23

Налӧн батьясныс тадзи вӧчлісны пророкъяслы. Нимкодясьӧй да чеччалӧй долыда, ӧд ыджыд тырдон виччысьӧ тіянӧс енэжас.

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Ап. уджъяс 14:10

Сэки Павел гораа шуис: «Господь Исус Кристос нимӧн шуа тэныд: ”Сувт кок вылад!”» Сійӧ дзик пыр чеччыштіс да пондіс ветлӧдлыны.

Ап. уджъяс 3:8

Сійӧ чеччыштігмоз сувтіс да кутіс ветлӧдлыны, сэсся пырис накӧд крамӧ. Сэні чеччалӧмӧн ветлӧдліс да ошкис Енмӧс.

Восьтӧм 3:20

Со, Ме сулала ӧдзӧс дорад да игӧдча. Коді кылас Менсьым гӧлӧс шыӧс да восьтас Меным, сы ордӧ Ме пыра, и ми кутам ӧтвыв сёйны.