Сьылан 2:14 - Коми Библия 2023

¹⁴ Гулюӧй менам, мыйла дзебсясян изкырта потасын, сайӧдчан джуджыд кыр бердын! Петкӧдлы меным чужӧмбантӧ, сет меным кывны гӧлӧс шытӧ, ӧд тэнад гӧлӧс шыыд – небыд, тэнад чужӧмбаныд – мичасьыс-мича!»

Сьылан 2:14 Kruisverwysings

Иов 9:16

Ме кӧ шыаси, и Сійӧ кӧ вочавидзис меным, весиг сэки эг эскы, мый Сійӧ кылӧ менӧ.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Псалтыр 22:3

ёнмӧдӧ менсьым лолӧс, нуӧдӧ менӧ веськыд туйӧд Аслас нимыс вӧсна.

Псалтыр 45:11

Господь висьталӧ: «Сувтыштлӧй да тӧдӧй, мый Ме – Енмыс. Менӧ вылӧ кыпӧдӧны войтыръяс пӧвстын, Менӧ ошкӧны став му пасьтала».

Псалтыр 45:12

Господь Саваоф миянкӧд, Яковлӧн Енмыс – миянӧс Дорйысьыс. Ошкӧм.

Псалтыр 68:13

Кар дзиръя дорын пукалысьяс ме йылысь суклясьӧны, вина юысьяс сьылӧны ме йылысь.

Петӧм 3:6

Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Сьылан 1:15

– Мусукӧй, тэ медлӧсьыдыс да медмусаыс! Миян вольпасьным – веж турун,

Сьылан 1:5

Энӧ видзӧдӧй менам гожъялӧм чужӧм вылӧ, гож водзас сійӧ сотчӧма. Менам вокъяс скӧрмисны ме вылӧ, тшӧктісны видзны виноград йӧръяс. Но ассьым виноград йӧрӧс ме эг видз.

Сьылан 1:8

Фараон тарантас бердӧ доддялӧм вӧв кодь тэ, мусаӧй.

Сьылан 5:2

– Ачым узя, а сьӧлӧмӧй оз узь. Кыла – мусукӧй игӧдчӧ. (Зон:) – Чоюкӧй, мусаӧй, сӧстӧм гулюӧй, восьт меным ӧдзӧстӧ! Юрӧй кӧтасис лысвасьыс, юрсиӧй вазис войся уль сынӧдсьыс. (Ныв:)

Сьылан 8:13

Сад йӧрын олысь дзоридзӧй, тэнсьыд гӧлӧс шытӧ кывзӧны ёртъясӧй, лэдз меным тшӧтш кывны тэнӧ. (Ныв:)

Исай 2:21

Сійӧ пышъяс изкыртаӧ, дзебсяс керӧс потасӧ, ӧд сійӧс полӧм топӧдас Господьлӧн вынысь, Господьлӧн дзирдлунысь сійӧс полӧм босьтас. Господь кыпӧдчас, и йӧзсӧ полӧм босьтас!

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Исай 60:8

Кодъяс тайӧ лэбысьясыс? Найӧ лэбӧны кымӧръяс моз, лэбӧны гулюяс моз асланыс позйӧ.

Еремей 48:28

Моавын олысьяс, эновтӧй ассьыныд каръяснытӧ, олӧй изкыртаясын, гулюяс моз вӧчӧй познытӧ кырта горсъясӧ.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Авдий 1:3

Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Матвей 3:16

Пыртчӧм бӧрас Исус петіс ваысь. Сэки енэжыс воссис, и Исус аддзис, кыдзи Енлӧн Лолыс гулю моз лэччис Сы вылӧ.

Ефесӧ 5:27

медым сувтӧдны сійӧс Ас водзас быд боксянь мичаӧн: вежаӧн, сӧстӧмӧн, медым сылӧн эз вӧв некутшӧм няйттор, чукыр да тырмытӧмтор.

Колосӧ 1:22

Ӧні Сійӧ бурӧдіс тіянӧс Аскӧдыс Кристос вир-яйын, Сылӧн кулӧмыс пыр, медым сувтӧдны тіянӧс Ас водзас вежаӧн, сӧстӧмӧн да мыжтӧмӧн.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

1 Петыр 3:4

Тіян мед лоӧ пытшкӧсса мичлун: рам да лӧнь сьӧлӧм. Тайӧ мичлуныс бырлытӧм, сійӧ дона Енмыслы.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.