Сьылан 1:6 - Коми Библия 2023

⁶ Висьтав меным, мусукӧй, кӧні ыжъястӧ йирсьӧдан, кӧні луншӧрнас найӧс шойччӧдан. Мыйла меным шӧйтны, мыйла корсьны тэнӧ ыж видзысьяс пӧвстысь? (Зон:)

Сьылан 1:6 Kruisverwysings

Иов 30:30

Кучикӧй сьӧдӧдіс, лыясӧй биа висьӧмысь сотчӧны.

Еремей 12:6

Весиг тэнад вокъясыд да рӧдвужыд ылӧдлӧдны тэнӧ, бӧрвывсяньыд гораа горзӧны тэ вылӧ. Но найӧ кӧ весиг бурногӧн кутасны сёрнитны тэкӧд, тэ эн эскы налы.

Еремей 8:21

Менам войтырлӧн дойясыс вайӧны меным дой, менам сьӧлӧмӧй шогсьӧ, полӧмыс топӧдӧ менӧ.

Бӧрданкыв 4:8

Ӧні налӧн чужӧмныс шомысь на сьӧд, найӧс оз тӧдмавны ывлаын. Кучикыс лы бердас ляскысьӧма, кос кырсь кодь лоӧма.

Микей 7:6

Ӧд пиыс батьсӧ янӧдӧ, нылыс паныд сувтӧ мамыслы, моньыс – энькаыслы. Мортӧс мустӧмтӧны сылӧн гортсаясыс.

Матвей 10:22

Менам ним вӧсна унаӧн мустӧмтасны тіянӧс, но сьӧкыдсӧ помӧдз нуысь мездмас.

Матвей 10:25

Велӧдчысьлы тырмымӧн быдмыны велӧдысьыс кодьӧдз, кесйӧглы – ыджыдыс кодьӧдз. Керка кутысьӧс кӧ Вельзевулӧн шуасны, сылысь гортсасӧ лёкджыка на нимтасны.

Марк 4:6

Петас шонді, пӧжны пондас, и омӧль вужъя петасыд косьмас.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Галатӧ 4:29

Сэки вир-яй кӧсйӧмсянь чужысьыс вӧтліс Ловсянь чужысьсӧ. Тадзи тшӧтш ӧні.