Софоний 3:19 - Коми Библия 2023

¹⁹ Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Софоний 3:19 Kruisverwysings

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 61:7

Тіянӧс янӧдӧмысь мынтысясны тіянлы кык пӧвстӧн, увтыртӧм бӧрти ті понданныд нимкодясьны асланыд шудысь, ӧд асланыд муӧ бергӧдчӧм бӧрын тіянлы вичмас кык пӧв унджык му, тіян нимкодясьӧмлы оз ло помыс.

Исай 62:7

Дугдывтӧг кевмысьӧй Господьлы, кытчӧдз Сійӧ выльысь оз сувтӧд Ерусалим, кытчӧдз Сійӧ оз нимӧд Ерусалим карсӧ став му пасьталаыс.

Еремей 30:16

Но тэнӧ бырӧдысьясӧс лоӧ бырӧдӧма, тэнӧ дзескӧдысьясӧс лоӧ нуӧдӧма пленӧ, тэнсьыд мырддялысьяслысь лоӧ мырддьӧма, тэнӧ куштысьясӧс Ме кушта.

Еремей 30:19

Сэтысь бара кутас кывны аттьӧалӧм да гажӧдчысьяслӧн гӧлӧс шыныс. Ме рӧдмӧда найӧс, и налӧн лыдыс оз кут чинны. Ме нимӧда найӧс, и найӧс оз кутны увтыртны.

Еремей 31:8

Ме вайӧда Ассьым войтырӧс войвыв муысь, чукӧрта найӧс му помъясысь. На пӧвстын лоасны синтӧмъяс и чотысьяс, нӧбасьысьяс и чужтысьяс, ыджыд чукӧрӧн найӧ бӧр бергӧдчасны татчӧ.

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Езекиль 16:27

Ме лэпті тэ вылӧ Ассьым киӧс, чинті тэнсьыд мутӧ. Ме сеті тэнӧ филистимса нывъяслӧн киӧ. Найӧ мустӧмтісны тэнӧ, и весиг налы яндзим вӧлі тэнад лэдзчысьӧм оласногысь.

Езекиль 16:57

ӧд сэки тэнад лёклуныд эз на воссьы. А ӧні тэнӧ асьтӧ лёкӧдӧны арамса нывъяс да накӧд орччӧн олысьяс. Филистимса нывъяс быд боксянь зывӧктӧмӧн видзӧдӧны тэ вылӧ.

Езекиль 34:16

Вошӧм ыжӧс Ме корся, ылалӧмаӧс бӧр вайӧда, доймалӧмаӧс кӧртавла, висьысьӧс ёнмӧда, а тшӧгӧмаӧс да ёнӧс бырӧда. Ме кута видзны ыж чукӧрӧс веськыдлуныс серти.

Езекиль 39:13

Став войтырыс кутас дзебны найӧс. Сійӧ лунӧ, кор Ме петкӧдла Ассьым вынӧс, Израиль войтырлы лоӧ нималӧм, – висьталӧ Господь Ыджыдыс.

Езекиль 39:26

Израиль войтырлы яндзим лоӧ Менӧ эновтӧмысь, кор асланыс муын найӧ кутасны повтӧг овны, и некод оз нин кут повзьӧдлыны найӧс.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Закар 8:23

Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Индӧд 26:19

Сійӧ вӧчис войтыръясӧс, но наысь вылӧ кӧсйысис кыпӧдны тіянӧс, медым ті ошкинныд, пыдди пуктінныд да нимӧдінныд Сійӧс. Сэки ті лоанныд асланыд Господь Енлӧн вежа войтырӧн, кыдзи Сійӧ кӧсйысис».

Еврейяслы 12:13

Ветлӧй шыльыд туйӧд, медым чотысь кокныд эз музгыльтчы, а бурдіс.

Восьтӧм 20:9

Но енэжсяньыс, Енсянь, усяс би да бырӧдас найӧс.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.