Софоний 3:15 - Коми Библия 2023

¹⁵ Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Софоний 3:15 Kruisverwysings

Олӧм 30:23

Ракель кынӧмасис, чужтіс [Яковлы] пиӧс да шуис: «Енмыс вештіс ме вылысь яналӧмӧс».

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!

Псалтыр 19:9

Найӧ лигышмунісны да усисны, а ми сувтім кок выланым да зумыда сулалам.

Псалтыр 85:3

Господьӧй, ло бур сьӧлӧма ме дінӧ, быд лун ме шыася Тэ дінӧ.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 51:22

Тэнад Ыджыдыд, Господь Енмыд, коді дорйӧ Ассьыс войтырсӧ, тадзи висьталӧ: – Со, Ме босьта тэнад киысь чашасӧ, Ассьым скӧрлуна дозйӧс. Сэтысь юӧмысь тэ довъялін, но водзӧ сэтысь он нин кут юны.

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 65:19

Ме понда нимкодясьны Ерусалимӧн, долыда нимкодясьны Аслам войтырӧн. Сэні некор оз кут кывны бӧрдӧм-горзӧм.

Еремей 8:19

– Ылі муысь Ме кыла Аслам войтырлысь отсӧг йылысь горзӧмсӧ: «Сионын ӧмӧй абу Господьыс, сэні ӧмӧй абу ӧксыыс?» Мыйла найӧ скӧрмӧдісны Менӧ асланыс идолъясӧн, мукӧд войтыръяслӧн шогмытӧм идолъясӧн?

Езекиль 35:10

Ті шуинныд, Израильлӧн кыкнан муыс да кыкнан войтырыс пӧ миян лоӧны. Ми пӧ босьтам налысь мусӧ, мед кӧ весиг Господь сэні.

Езекиль 36:15

Ме ог нин лэдз мукӧд войтыръяслы янӧдны тэнӧ, и тэ он кут кывны налысь увтыртӧмсӧ. Водзӧ тэ он вай кулӧм аслад войтырыдлы, – висьталӧ Господь Ыджыдыс».

Езекиль 39:29

Ме ог нин кут дзебны Ассьым чужӧмбанӧс Израиль войтырысь, а кисьта на вылӧ Ассьым Лолӧс, – висьталӧ Господь Ыджыдыс».

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Амос 9:15

Ме вужйӧда найӧс асланыс муӧ, и некод сэсся оз нетшышт найӧс асланыс муысь, мый Ме сеті налы, – висьталӧ Господь, тэнад Енмыд.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Аввакум 2:17

Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.

Аввакум 2:8

Кыдзи тэ куштін войтыръясӧс, тадзи жӧ войтыръяс пӧвстысь колясыс вӧчас тэкӧд. Йӧзлысь вирсӧ кисьтӧмысь, муяссӧ, каръяссӧ да сэтчӧс олысьяссӧ бырӧдӧмысь найӧ тэнӧ асьтӧ куштасны.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Софоний 3:5

Но Господь веськыд, Сійӧ веськыда вӧчӧ тайӧ карас. Быд асыв Сійӧ петкӧдлӧ Ассьыс веськыда мыждӧмсӧ, но лёк вӧчысь яндзим оз тӧд.

Закар 12:3

Сійӧ лунӧ, кор войтыръяс чукӧртчасны Ерусалимлы паныд, Ме вӧча Ерусалимӧс налы сьӧкыд изйӧн. Коді вӧрзьӧдас изсӧ, асьсӧ вирӧдз дойдалас.

Закар 14:11

Йӧзыс сэні кутасны повтӧг-тӧждысьтӧг овны. Ерусалимӧс оз нин ло дзикӧдз бырӧдӧма.

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Иоан 12:15

– Эн пов, Сион ныв! Видзӧд, Ӧксыыд локтӧ, пукалӧ осёл чань вылын.

Иоан 19:19

Пӧвтор вылӧ Пилат тшӧктіс гижны: «Назаретса Исус, иудейяслӧн Ӧксы». Гижӧдсӧ ӧшӧдісны крест вылас.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Восьтӧм 7:15

Та вӧсна найӧ сулалӧны Ен пуклӧс водзын, лун и вой кесъялӧны Енмыслы Сылӧн крамын. Юралан пуклӧсын Пукалысьыс лоӧ накӧд да видзӧ найӧс.