Софоний 3:13 - Коми Библия 2023

¹³ Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Софоний 3:13 Kruisverwysings

2 Каднебӧг 20:30

Иосафат ӧксылӧн му вылӧ пуксис лӧнь олӧм, сылӧн Енмыс быд боксянь сетіс сылы лӧньлун.

Иов 11:19

тэ водан шойччыны, и некод тэнӧ оз повзьӧд, унаӧн кутасны тэнсьыд отсӧг корны.

Псалтыр 119:3

Ылӧг вома мортӧй, мыйӧн лоӧ мынтысьӧма тэныд?

Псалтыр 120:2

Отсӧгыс воас меным Господьсянь, енэжсӧ да мусӧ Вӧчысьсянь.

Псалтыр 120:3

Сійӧ оз сет лигышмунны тэнад кокыдлы, тэнӧ Видзысь оз вуграв.

Псалтыр 23:2

Господь пуктіс мулысь подувсӧ саридзьяс вылӧ, сувтӧдіс сійӧс юяс вылӧ.

Исай 17:2

Ароэр каръясӧс лоӧ эновтӧма, найӧ вичмасны ыж-мӧслы, ыж-мӧс кутасны шойччыны сэні, и некод оз повзьӧд найӧс.

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Исай 63:8

Господь шуис: «Тайӧ збыльысь Менам войтырӧй, Менам челядьӧй, кодъяс оз пӧръясьны». Сійӧ лоис налы Мездысьӧн,

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Еремей 23:4

Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Езекиль 39:26

Израиль войтырлы яндзим лоӧ Менӧ эновтӧмысь, кор асланыс муын найӧ кутасны повтӧг овны, и некод оз нин кут повзьӧдлыны найӧс.

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Йоиль 3:21

Налысь вирсӧ кисьтӧмысь Ме водзӧс перъя, Египетӧс да Эдомӧс ог коль мыждытӧг. Господь олӧ Сионын!

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Микей 4:4

Но быдӧн кутас пукавны аслас виноград йӧрын, аслас инжир пу улын, некод оз кут найӧс повзьӧдлыны. Тадзи висьталіс Господь Саваоф.

Микей 4:7

Чотысьясӧс вӧча бӧрйӧм коляс войтырӧн, разалӧмаясӧс – вына войтырӧн. Господь лоӧ налӧн ӧксыӧн Сион керӧсын ӧні да нэмъяс чӧж.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Софоний 3:5

Но Господь веськыд, Сійӧ веськыда вӧчӧ тайӧ карас. Быд асыв Сійӧ петкӧдлӧ Ассьыс веськыда мыждӧмсӧ, но лёк вӧчысь яндзим оз тӧд.

Закар 8:12

Кӧдзӧмаыс быдмас, виноград пу ваяс вотӧс, муыс сетас быдтас, енэжыс юкталас лысваӧн. Ставсӧ тайӧс Ме сета Аслам коляс войтырлы.

Закар 8:16

Со мый тіянлы колӧ вӧчны: висьталӧй збыльсӧ ӧта-мӧдныдлы, бурасьӧм могысь веськыда мыждӧй ёрд выланыд.

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Матвей 13:41

Морт Пи Ассьыс анделъяссӧ мӧдӧдас чукӧртны Аслас Юраланінысь став ыштӧдысьсӧ да лёк вӧчысьсӧ.

Иоан 1:47

Исус аддзис Сы дінӧ локтысь Нафанаилӧс да шуис сы йылысь: «Тайӧ мортыс збыльысь Израиль войтырысь, сійӧ оз ылӧдчы».

Колосӧ 3:9

Энӧ пӧръясьӧй, ті ӧд пӧрччинныд нин важ мортлысь оласногнытӧ

1 Петыр 3:14

Ті кӧ нуанныд сьӧкыдсӧ веськыда олӧм вӧснаныд, сідзкӧ, ті шудаӧсь. Энӧ полӧй некодысь да энӧ майшасьӧй нинӧмысь.

1 Иоан 5:18

Ми тӧдам, мый Енсянь чужысьяс мыжсӧ оз вӧчны. Енсянь чужысь видзӧ асьсӧ, да омӧльыс оз вермы инмӧдчыны сы дінӧ.

Восьтӧм 14:5

Налӧн вомысь некор эз петавлы пӧръясян кыв, Ен пуклӧс водзын найӧ мыжтӧмӧсь.

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».