Софоний 2:8 - Коми Библия 2023

⁸ Ме кывлі Моавлысь омӧльтӧмсӧ, кывлі аммон войтырлысь лёкӧдӧмсӧ, кыдзи найӧ увтыртісны Менсьым войтырӧс, кыдзи повзьӧдлісны, мый уськӧдчасны на вылӧ.

Софоний 2:8 Kruisverwysings

Олӧм 19:37

Ыджыдджыкыс чужтіс пиӧс да пуктіс Моав ним [шуис, менам батьсянь пӧ сійӧ]. Сысянь чужис моав войтыр.

Олӧм 19:38

Ичӧтджыкыс сідзжӧ чужтіс пиӧс да пуктіс Бен-Амми ним [шуис, сійӧ пӧ менам рӧдлӧн пи]. Сысянь чужис ӧнія аммон войтыр.

Исай 15:1

Моав йылысь водзвыв висьталӧм. Войнас лоӧ куштӧма-бырӧдӧма Ар-Моавӧс. Войнас лоӧ куштӧма-бырӧдӧма Кир-Моавӧс.

Исай 16:6

Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ, вывтіасьӧмсӧ да скӧрлунсӧ, сылысь ковтӧм сёрнисӧ.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 48:1

Господь Саваоф, Израильлӧн Ен, Моав йылысь тадзи висьталӧ: – Курыд шог Неволы, сійӧс куштӧма-пазӧдӧма! Киръятаимӧс янӧдӧма, сійӧс кытшалӧма-босьтӧма, сылысь изкарсӧ янӧдӧма, жугӧдӧма-пазӧдӧма.

Еремей 49:1

Аммон войтыр йылысь Господь тадзи висьталӧ: – Израильлӧн ӧмӧй абу пияныс, сылӧн ӧмӧй абу пиыс, кодлы овмӧсыс вуджас? Мыйла нӧ Милком идол босьтіс Гад мусӧ, мыйла нӧ сылы юрбитысь войтыр овмӧдчис сэтчӧс каръясӧ?

Бӧрданкыв 3:61

Господьӧй, Тэ кылан налысь омӧльтӧмсӧ, тӧдан, мый найӧ мӧвпалӧны вӧчны меным лёксӧ.

Езекиль 21:28

Морт пиӧй, пророкав. Аммон войтыр йылысь да сылӧн Израильӧс омӧльтӧм йылысь Господь Ыджыдыс тадзи висьталӧ: перйӧма шыпурт, медым унаӧс начкыны-виавны. Сійӧс весалӧма, медым чардби моз югъялас.

Езекиль 25:1

Меным вӧлі Господьсянь кыв:

Езекиль 35:12

Сэки тэ тӧдмалан, мый Ме – Господь. Ме кывлі, кыдзи тэ лёкӧдін-омӧльтін Израиль керӧсъяс, шуалін, керӧсвыв мусӧ пӧ куштӧма, ӧні сійӧ миян киын.

Езекиль 36:2

Господь Ыджыдыс тадзи висьталӧ: вӧрӧгыд шуӧ, со ӧд пӧ, тайӧ нэмӧвӧйся керӧсъясыс ӧні миян.

Амос 1:13

Господь тадзи висьталӧ: – Аммон войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд виисны йӧзсӧ Галаадын, весиг кынӧма аньяслысь рушкунысӧ вожӧдісны, медым паськӧдны ассьыныс оланінсӧ.

Амос 2:1

Господь тадзи висьталӧ: – Моав войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд эдомса ӧксылысь лыяссӧ коризӧдз сотісны.

Софоний 2:10

Тайӧ суас найӧс вылӧ кыпӧдчӧмысь, суас сыысь, мый найӧ омӧльтісны да повзьӧдлісны Господь Саваофлысь войтырсӧ.

Нав Исус 5:9

Господь шуис Исуслы: «Египетын яналӧмнытӧ талун Ме вешті тіян вылысь». Та вӧсна тайӧ местаыс ӧнӧдз шусьӧ Галгал.