Софоний 2:7 - Коми Библия 2023

⁷ Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Софоний 2:7 Kruisverwysings

Олӧм 50:24

Ӧсип шуис аслас вокъяслы: «Ме регыд кула, но Енмыс волас тіянла да петкӧдас тіянӧс тайӧ мусьыс сійӧ муас, мый кыв сетӧмӧн кӧсйысьліс Ӧвраамлы, Исааклы да Яковлы».

Псалтыр 80:14

Менам войтырӧй кӧ кывзіс Менӧ, Израиль войтыр кӧ ветліс Менам туйясӧд,

Псалтыр 85:1

Давидлӧн кевмысьӧм. Господьӧй, копырт Ассьыд пельтӧ мелань, вочавидз меным, ӧд ме гӧль да коньӧр.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 11:14

Рытыввылын найӧ уськӧдчасны филистимсаяс вылӧ, асыввывса олысьяслысь куштасны озырлунсӧ. Эдом да Моав лоӧны налӧн кипод улынӧсь, аммон войтыр сетчас налы.

Исай 11:16

Сэні лоӧ Ассурысь петан паськыд туй Господьлӧн коляс войтырлы, кыдзи вӧлі Израиль войтырлы Египетысь петігӧн.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 32:14

ӧд ӧксылысь керкасӧ лоӧ эновтӧма, ыджыд шыа карсӧ лоӧ кольӧма. Керӧс вылын сулалысь изкар пыр кежлӧ лоӧ вӧлявывса осёлъяслы сайӧдчанінӧн, тайӧ керӧс вылын кутасны йирсьыны ыж-мӧс.

Еремей 23:3

Ме чукӧрта Аслам ыжъяслысь коляссӧ став муяссьыс, кытчӧ Ме вӧтлі найӧс, да бӧр бергӧда асланыс йирсянінӧ. Сэні найӧ пондасны чужтысьны-рӧдмыны.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Еремей 29:14

и аддзанныд, – висьталӧ Господь. – Ме бӧр вайӧда тіянӧс пленысь, чукӧрта тіянӧс быд войтыр пӧвстысь, быд муысь, кытчӧ Ме вӧтлі тіянӧс, – висьталӧ Господь, – и бӧр вайӧда сэтчӧ, кытысь Ме мӧдӧді тіянӧс пленӧ.

Еремей 3:18

Сійӧ лунъясас Иудалӧн чужанкотыръясыс да Израильлӧн чужанкотыръясыс ӧтвылысь локтасны войвыв муысь сійӧ муас, мый Ме вичмӧді тіян батьяслы».

Еремей 30:3

Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».

Еремей 31:7

Господь тадзи висьталӧ: – Долыда сьылӧй Яковлӧн рӧд йылысь, гораа ошкӧй медыджыд войтырӧс. Юӧртӧй, ошкӧмӧн шуалӧй: «Господьӧй, мезды Ассьыд войтыртӧ, Израильлысь коляссӧ!»

Еремей 32:44

эзысь вылӧ видз-му, аддзылысь-висьталысьяс дырйи кутасны гижавны видз-му ньӧбӧм йылысь кабалаяс да тупкыны найӧс сёйысь вӧчӧм печатьӧн. Тадзи кутасны вӧчны Венямин муын, Ерусалим кар гӧгӧрын, иудаса, негевса, керӧсвывса да керӧсбердса каръясын. Ӧд Ме бӧр бергӧда найӧс пленысь, – висьталӧ Господь».

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Еремей 33:7

Ме бергӧда пленысь Иуда да Израиль войтырӧс, воддза мозыс Ме вынсьӧда найӧс.

Еремей 47:5

Газа шырас ассьыс юрсисӧ, Аскалонын олысьясӧс лоӧ бырӧдӧма, лоӧ бырӧдӧма енак войтырлысь коляссӧ. Дыр-ӧ на ті кутанныд пуртӧн вундавны вир-яйнытӧ?

Езекиль 39:25

Та вӧсна Господь Ыджыдыс тадзи висьталӧ: ӧні Ме бӧр вайӧда пленысь Яковлысь рӧдсӧ, бурсьӧлӧмтча став Израиль войтыр дінӧ. Ме вежӧгтысь Ен, Ассьым вежа нимӧс дорйысь.

Осий 6:11

А тэнӧ, Иуда, виччысьӧ вундан кад, кор Аслам войтырлы Ме бара сета бур олӧм.

Авдий 1:19

Негевын олысьяс босьтасны Исав керӧс, керӧсбердса муын олысьяс босьтасны Филистим му. Иуда войтыр босьтас Ефрем да Самария муяс, Венямин чужанкотыр босьтас Галаад му.

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.

Микей 4:10

Кага чужтысь ань моз ойзы, дойыдла нюглясь, Сион нылӧй, ӧд ӧні тэ петан карсьыс, кутан овны видз-му вылын, мунан Вавилонӧдз. Но сэтысь тэнӧ лоӧ мездӧма, Господь мездас тэнӧ вӧрӧгыдлӧн киысь.

Микей 4:7

Чотысьясӧс вӧча бӧрйӧм коляс войтырӧн, разалӧмаясӧс – вына войтырӧн. Господь лоӧ налӧн ӧксыӧн Сион керӧсын ӧні да нэмъяс чӧж.

Софоний 2:9

Та вӧсна Ме кыв сетӧмӧн кӧсйыся Аслам олӧмӧн, – висьталӧ Господь Саваоф, Израильлӧн Ен, – Моав лоӧ Содом кодь, аммон войтыр лоӧ Гомора кодь, налӧн муясыс тырасны ёг турунӧн, лоӧны сола гуӧн, пыр кежлӧ лоӧны овтӧминӧн. Менам коляс войтырӧй куштас найӧс, Менам войтырысь ловйӧн кольӧмаяс босьтасны налысь мусӧ.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Софоний 3:20

Сійӧ кадас Ме чукӧрта тіянӧс да бӧр вайӧда гортаныд. Ме нимӧда тіянӧс, и войтыръяс кутасны ошкыны тіянӧс, кор бара сета тіянлы бур олӧм. Асланыд синмӧн ті аддзанныд тайӧс, – висьталӧ Господь.

Аггей 1:12

Зоровавель, Шеалтиэллӧн пиыс, да Исус аркирей, Иоседеклӧн пиыс, тшӧтш пленысь воӧм коляс войтырыс кывзысисны Господьлысь, асланыс Енлысь. Найӧ сибӧдісны-кывзісны Аггей пророклысь кывъяссӧ, ӧд Господь, налӧн Енмыс, мӧдӧдіс сійӧс на дінӧ. Войтырыс поліс-вежавидзис Господьысь.

Аггей 2:2

«Висьтав Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, тшӧтш коляс войтырыслы:

Лука 1:68

– Ошка Господьӧс, Израильлысь Енсӧ! Сійӧ бергӧдчис Аслас войтырлань, дасьтіс сылы мездмӧм.

Лука 7:16

Ставнысӧ полӧм босьтіс. Енмӧс ошкигтыр шуалісны: «Ыджыд пророк миян пӧвстын! Ен локтіс отсавны Аслас войтырлы!»

Ап. уджъяс 8:26

Господьлӧн андел шуис Филиплы: «Луншӧр кадӧ чеччы да мун Ерусалимысь Газаӧ мунан эновтӧм туй вылӧ».

Ап. уджъяс 8:40

Бӧрынджык Филипӧс аддзисны Азот карысь. Кесарияӧ мунігӧн сійӧ быд карын висьтавліс Бур Юӧр.

Римӧ 11:5

Тадзи и ӧні: Енмыс буралӧмыс кузя видзӧма коляссӧ, Ассьыс бӧрйӧмаясӧс.

Руфа 1:6

Ноеминь шуис бӧр мунны аслас чужанінӧ, ӧд сылы кывсис, мый Господь тӧждысьӧма Аслас войтырыс вӧсна – сетӧма налы нянь. Моньясыс шуисны тшӧтш мунны сыкӧд.