6 Саридздорса му лоӧ йирсянінӧн, ыжъяслы йӧртӧдӧн.
Ароэр каръясӧс лоӧ эновтӧма, найӧ вичмасны ыж-мӧслы, ыж-мӧс кутасны шойччыны сэні, и некод оз повзьӧд найӧс.
Киссьӧм карас кольӧм йӧзыс йирсьысь ыжъяс моз кутасны корсьны сёян, локтысь йӧз моз найӧ кутасны корсьны кынӧмпӧт жугӧдӧм карас, мый озыр йӧз эновтісны.
Йӧн да ёг турун понда тэ он нин пет сійӧ видз-муыс вылӧ, кодӧс гӧрлісны-кӧдзлісны. Сэні пондасны йирсьыны ӧшъяс, сійӧс пондасны талявны ыжъяс».
Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.
Ме вӧча Равва карнытӧ верблюдъяслы оланінӧн, мунытӧ – ыжъяслы йирсянінӧн. Сэки ті тӧдмаланныд, мый Ме – Господь.
