Софоний 1:7 - Коми Библия 2023

⁷ Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.

Софоний 1:7 Kruisverwysings

Иов 24:1

Мыйла Ставсӧвермысь абу индӧма мыждан кадъяссӧ, мыйла Сійӧс тӧдысьяс оз аддзыны Сылысь мыждан лунъяссӧ?

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Исай 13:3

Ме тшӧкті Аслам вежаяслы чукӧртчыны, Ме чукӧсті Ассьым вына йӧзӧс, Менам вынӧн нимкодясьысьясӧс, медым найӧ збыльмӧдісны Менсьым скӧрлунӧс.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Исай 29:2

Ме дзескӧда Ариэл карӧс, сэні лоӧ бӧрдӧм да шогсьӧм, сійӧ збыльысь лоӧ Менам висьпуктанінӧн.

Исай 34:5

– Енэжысь коланасӧ бырӧдӧм бӧрын Менам шыпуртӧй усяс Эдом вылӧ, медым дзикӧдз бырӧдны войтырӧс, кодӧс Ме мыжді.

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Езекиль 7:10

Матыстчӧ сійӧ луныс, суас тіянӧс мыждӧмыс. Дзескӧдӧмӧн юралӧм паськалӧ, ыкшалун быдмӧ,

Езекиль 7:7

Мыждӧм суис тіянӧс, Израиль муын олысьясӧй. Воис кад, матын сійӧ луныс, кор шызьӧм кутас кывны керӧсъяс вылын, а оз нимкодясьӧм.

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Амос 6:10

Кор шойысла локтас рӧдвужсьыс кодкӧ али шойяс сотысь да юалас керкаас пукалысьлысь: «Эм-ӧ на кодкӧ тэкӧд?», мӧдыс вочавидзас: «Абу». Локтысь содтас: «Чӧв ов! Господьлысь нимсӧ тані эн казьтыв».

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Софоний 1:14

Матын нин Господьлӧн торйӧдӧм луныс, сійӧ матын нин, регыд воас. Кыланныд-ӧ, мый Господьлӧн луныс воӧ нин? Весиг медся повтӧм тышкамортыс курыда бӧрддзас.

Закар 14:1

Господьлӧн луныс кор воас, тэнсьыд мырддьӧм эмбуртӧ, Ерусалим, юкласны тэ дырйи.

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Матвей 22:4

Ӧксы бара мӧдӧдас мукӧд кесйӧгъясӧс да тшӧктас висьтавны корӧмаяслы: ”Сёян-юан менам дасьтӧма, ӧшъяс-куканьяс начкӧма, ставыс дась. Локтӧй кӧлысясьны!”

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Римӧ 9:20

Мортӧй, коді тэ сэтшӧмыс, мый Енкӧд вензян? Вӧчӧмторйыс ӧмӧй вермас шуны вӧчысьыслы: «Мыйла тэ менӧ татшӧмнас вӧчин?»

Филипӧ 4:5

Тіян рамлунныд мед тыдалас быдӧнлы. Господь матын нин.

Колосӧ 1:12

Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.

Ӧксыяслӧн 1 небӧг 16:5

Самуил вочавидзис: «Бурӧн. Ме локті Господьлы вись вайны. Вежӧдӧй-сӧстӧммӧдӧй асьнытӧ да мунамӧй мекӧд тшӧтш вись вайны». Самуил вежӧдіс Ессейӧс, сылысь пиянсӧ да корис найӧс сёйны.

Ӧксыяслӧн 1 небӧг 20:26

Сійӧ лунӧ Саул нинӧм эз шу та вылӧ. Мӧвпыштіс, гашкӧ пӧ, Давид виччысьтӧг пежаліс асьсӧ.