Софоний 1:11 - Коми Библия 2023

¹¹ Сыркъялӧй, Мактешын олысьяс, ӧд ханаансаясӧс лоӧ бырӧдӧма, став вузасьысьсӧ лоӧ виӧма.

Софоний 1:11 Kruisverwysings

Иов 27:16

Лёк вӧчысьлӧн кӧ эзысьыс лоӧ лыа мында, паськӧмыс – ёг турун мында,

Иов 27:17

сылысь паськӧмсӧ веськыда олысь пасьталас, эзысьыс мыжтӧмлы вичмас.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 4:8

Та вӧсна пасьталӧй ассьыныд шогалан паськӧмнытӧ, сыркъялӧй-бӧрдӧй, ӧд Господьлӧн яр скӧрлуныс абу вешйӧма миян дінысь.

Езекиль 21:12

Горзы, бӧрд, морт пиӧй, ӧд шыпуртыс кыпӧдчис Менам войтырӧй весьтӧ да израильса юралысьяс весьтӧ. Юралысьясӧс войтырӧйкӧд шыпурт улӧ сетӧма. Та вӧсна шогыдла кучкав морӧсад.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Йоиль 1:5

Садьмӧй, кодалысьяс, ырзӧмӧн бӧрдӧй, сыркъялӧмӧн бӧрдӧй, вина юысьяс, ӧд босьтӧма тіян вомдорысь винанытӧ.

Софоний 2:5

Курыд шог саридздор муын олысьяслы, керетса войтырлы. Господь висьталӧ Ханаан му йылысь, шуӧ Филистим му йылысь: – Ме бырӧда тэнӧ, тэнад оз коль олысьыс.

Закар 14:21

Ерусалимын да Иуда муын став пӧртсӧ лоӧ вежӧдӧма-торйӧдӧма Господь Саваофлы. Вись вайиганыс йӧзыс босьтасны пӧртъяссӧ да пуасны сэні висьлысь яйсӧ. Сійӧ лунӧ Господь Саваофлӧн крамын оз ло весиг ӧти вузасьысь.

Иоан 2:16

Гулюӧн вузасьысьяслы Сійӧ шуис: «Петкӧдӧй гулюястӧ татысь! Энӧ пӧртӧй Менам Батьлысь керкасӧ вузасянінӧ!»

Яков 5:1

Ӧні висьтала тіянлы, озыръяс: сыркъялӧмӧн бӧрдӧй, ӧд тіянӧс суасны шогъяс.