Софоний 1:10 - Коми Библия 2023

¹⁰ Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.

Софоний 1:10 Kruisverwysings

Ӧксыяслӧн 2 небӧг 5:7

Но Давид босьтіс Сион изкар. Бӧрынджык изкарсӧ нимтісны Давид карӧн.

Ӧксыяслӧн 2 небӧг 5:9

Давид овмӧдчис изкарӧ да нимтіс сійӧс Давид карӧн. Миллосянь кар шӧрӧдзыс Давид лэптіс керкаяс.

Ӧксыяслӧн 4 небӧг 22:14

Хилки поп, Ахикам, Акбор, Шафан да Асай мунісны Олдана пророк ань дінӧ. Сылӧн верӧсыс вӧлі Шаллум, коді вӧлі вежа паськӧм видзысьӧн. Шаллумлӧн батьыс вӧлі Тиквай, Тиквайлӧн – Хархас. Олдана оліс Ерусалим карлӧн мӧд юкӧнас. Локтысьяс висьталісны сылы ӧксылысь корӧмсӧ.

2 Каднебӧг 3:1

Соломон пондіс лэптыны Господьлы крам Ерусалимын, Мориа керӧс вылын, мый вӧлі индӧма сылӧн Давид батьлы. Давид водзвыв дасьтіс унатор, медым евусса Орнанлӧн гумла вылын сэсся лэптісны крам.

2 Каднебӧг 32:22

Тадзи Господь мездіс Езекейӧс да Ерусалимын олысьясӧс ассурса Сеннахирим ӧксылӧн киысь да мукӧд вӧрӧгысь. Сійӧ видзис найӧс быд боксянь.

2 Каднебӧг 33:14

Та бӧрти Давид кар ортсыӧ, Офел гӧгӧр, Манассей кыпӧдіс зэв джуджыд стен Гихон ва петанінсянь рытыввылӧ Чери дзиръя дорӧдз. Иуда му пасьтала став изкарӧ сійӧ индіс тышкайӧзӧн веськӧдлысьясӧс.

2 Каднебӧг 34:22

Хилки да ӧксылӧн мӧдӧдӧм йӧзыс мунісны Олдана пророк ань дінӧ. Сылӧн верӧсыс вӧлі Шаллум, коді вӧлі вежа паськӧм видзысьӧн. Шаллумлӧн батьыс вӧлі Токхат, Токхатлӧн – Хасрах. Олдана оліс Ерусалим карлӧн мӧд юкӧнас. Локтысьяс висьталісны сылы ӧксылысь корӧмсӧ.

Неемий 12:39

Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

Неемий 3:3

Сенлӧн рӧдыс вӧчис Чери дзиръя. Найӧ вӧчисны куричьяс, сувтӧдісны ӧдзӧсъяс да пуктісны сэтчӧ иган-тасъяс.

Исай 59:11

Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.

Еремей 39:2

Седекейлӧн дас ӧтиӧд веськӧдлан воӧ нёльӧд тӧлысьлӧн ӧкмысӧд лунӧ карса стенсӧ жугӧдісны.

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Амос 8:3

Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!

Софоний 1:15

Сійӧ луныс лоӧ скӧралан лунӧн, сьӧкыдалан да шогалан лунӧн, бырӧдан да куштан лунӧн, пемыд да сап пемыд лунӧн, сьӧд кымӧра да сук руа лунӧн.

Софоний 1:7

Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.