Софоний 1:1 - Коми Библия 2023

¹ Софоний вӧлі Кушилӧн пи. Кушилӧн батьыс вӧлі Гедалий, Гедалийлӧн – Амарей, Амарейлӧн – Езекей. Иудаса Иосей ӧксылӧн, Амон пилӧн, веськӧдлан кадӧ Софонийлы вӧлі Господьсянь кыв:

Софоний 1:1 Kruisverwysings

Ӧксыяслӧн 4 небӧг 21:18

Манассей куліс да вуджис батьясыс дінӧ. Сійӧс дзебисны аслас ӧксы керка йӧрӧ – Уззайлӧн сад йӧрӧ. Манассей бӧрти ӧксыӧ пуксис сылӧн Амон пиыс.

Ӧксыяслӧн 4 небӧг 21:26

Амонӧс дзебисны Уззайлӧн сад йӧрӧ аслас дзебанінӧ. Амон бӧрти ӧксыӧ пуксис сылӧн Иосей пиыс.

2 Каднебӧг 33:20

Манассей куліс да вуджис батьясыс дінӧ. Сійӧс дзебисны аслас керка йӧрӧ. Манассей бӧрти ӧксыӧ пуксис сылӧн Амон пиыс.

Еремей 1:2

Иудаса Иосей ӧксылӧн, Амон пилӧн, дас коймӧд веськӧдлан воӧ Еремейлы вӧлі Господьсянь кыв.

Еремей 22:11

Иудаса Шаллум ӧксы йылысь, коді лои ӧксыӧн аслас Иосей батьыс бӧрти, Господь тадзи висьталӧ: «Сійӧс нуӧдісны татысь Египетӧ, и бӧрсӧ сійӧ оз нин бергӧдчы.

Еремей 25:3

«Иудаса Иосей ӧксылӧн, Амон пилӧн, дас коймӧд веськӧдлан восянь да ӧніӧдз, кызь куим во чӧж меным вӧлі Господьсянь кыв. Выльысь и выльысь ме висьтавлі тіянлы, но ті энӧ кывзӧй.

Езекиль 1:3

Калдея муын Кевар ю бокын меным, Езекиль поплы, Буз пилы, вӧлі Господьсянь кыв, и Сылӧн киыс вӧлі ме вылын.

Осий 1:1

Берлӧн Осий пилы вӧлі Господьсянь кыв, кор Иуда муын сьӧрсьӧн-бӧрсьӧн юралісны Озей, Иотам, Ахаз да Езекей ӧксыяс, а Израиль муын юраліс Еровам ӧксы, Йоаслӧн пиыс.

2 Тимофейлы 3:16

Ставнас Гижӧдыс Ен Ловсянь да вайӧ сӧмын бур. Сійӧ велӧдӧ, янӧдӧ, вежӧ да туйдӧдӧ веськыд олӧмас,

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.