Шусьӧгъяс 5:5 - Коми Библия 2023

⁵ Сылӧн кокыс вайӧдӧ кулӧмӧ, воськовъясыс помасьӧны пыдӧстӧминын.

Шусьӧгъяс 5:5 Kruisverwysings

Шусьӧгъяс 6:20

Пиӧй, видз батьыдлысь тшӧктӧмъяссӧ, эн ӧтдорт мамыдлысь туйдӧдӧмсӧ.

Шусьӧгъяс 7:1

Пиӧй, видз менсьым кывъясӧс, тшӧктӧмъясӧс дзеб сьӧлӧмад. [Пиӧй, вылӧ пукты Господьӧс, сэки ён лоан, Сыысь кындзи некодысь эн пов.]

Шусьӧгъяс 7:27

Сы керкасянь туйыс вайӧдӧ пыдӧстӧминӧ, нуӧдӧ кулӧмыслӧн жыръясӧ.

Еклесиаст 7:26

Ме гӧгӧрвои, мый кулӧм дорысь курыдджык сэтшӧм нывбаба, коді тыв кодь, кодлӧн сьӧлӧмыс – нальк, кодлӧн киясыс – чепъяс. Енлы шогмана морт пышйӧ сыысь, а мыжа мортӧс сійӧ тывйыштӧ.

Восьтӧм 6:8

Ме видзӧдлі да аддзи быгалӧм рӧма вӧлӧс да сы вылын пукалысьӧс, кодлӧн нимыс вӧлі Кулӧм. Сы бӧрся вӧтчис ачыс Адыс. Налы вӧлі сетӧма ыджыдавны мулӧн нёльӧд юкӧныс вылын: виавны йӧзсӧ шыпуртӧн да тшыгйӧдӧмӧн, кулана висьӧмъясӧн да зверъяс отсӧгӧн.