Шусьӧгъяс 3:7 - Коми Библия 2023

⁷ Асьтӧ сюсьӧ эн пукты, Господьысь пов да ылыстчы лёксьыс.

Шусьӧгъяс 3:7 Kruisverwysings

Ӧксыяслӧн 2 небӧг 12:20

Сэки Давид чеччис му вывсьыс, мыссис, мавтіс асьсӧ чӧскыд дука выйӧн да вежис паськӧмсӧ. Сэсся муніс Господьлӧн керкаӧ кевмысьны. Кор бӧр локтіс гортас, тшӧктіс вайны сёян. Сэсся сёйис.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Шусьӧгъяс 14:16

Мывкыд морт полӧ да ылыстчӧ лёксьыс, вежӧртӧм – ӧдйӧ пузьӧ да аслыс сӧмын эскӧ.

Шусьӧгъяс 14:27

Господьысь полӧмыс вайӧ олӧм, ылыстӧ кулӧмыслӧн тывйысь.

Шусьӧгъяс 16:6

Буралӧм да збыль вештӧны мыжсӧ, Господьысь полӧм ылыстӧ лёксьыс.

Шусьӧгъяс 23:4

Эн мудзты асьтӧ, медым озырмӧдчыны, эновт татшӧм мӧвпъястӧ.

Шусьӧгъяс 26:12

Асьсӧ мывкыдӧ пуктысь морт дорысь бурджык вежӧртӧм вылӧ лача кутны.

Шусьӧгъяс 26:5

Вочавидз вежӧртӧмлы сылӧн йӧйлун серти, медым асьсӧ мывкыдӧн эз чайт.

Шусьӧгъяс 28:11

Озыр мортыд асьсӧ мывкыдӧн чайтӧ, но вежӧра гӧль морт тӧдӧ, кутшӧм сійӧ.

Шусьӧгъяс 28:26

Ас вылас лача кутысь – вежӧртӧм, мывкыда олысь повтӧг ветлӧ.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Исай 5:21

Курыд шог налы, кодъяс лыддьӧны асьнысӧ мывкыдаӧн, пуктӧны асьнысӧ сюсь вежӧраӧ!

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Римӧ 12:16

Ас костаныд лоӧй ӧти сьӧлӧмаӧсь, энӧ лыддьӧй асьнытӧ бурджыкӧн, коньӧръясӧс энӧ ӧтдортӧй да сюсьӧ энӧ пуксьӧй.