Шусьӧгъяс 3:6 - Коми Библия 2023

⁶ Став аслад туйясын Господьӧс тӧдмав, тэнсьыд туйястӧ Сійӧ веськыдӧн вӧчас.

Шусьӧгъяс 3:6 Kruisverwysings

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Ездра 7:27

Ошкӧм Господьлы, миян батьяслӧн Енлы! Сійӧ пуктіс ӧксылы сьӧлӧмас, мый колӧ пыдди пуктыны Господьлысь ерусалимса крамсӧ.

Неемий 1:11

Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Неемий 2:4

Ӧксы юаліс менсьым: «Мый тэ кӧсъян?» Ме кевмыси енэжвывса Енлы

Неемий 7:5

Менам Енмӧй пуктіс меным сьӧлӧмӧ чукӧртны нималана йӧзӧс, веськӧдлысьясӧс да став войтырсӧ, медым артавны-гижавны найӧс. Ме аддзи небӧг, кытчӧ вӧлі пасйӧма медводз локтысьяслысь нимсӧ. Сэні вӧлі гижӧма:

Псалтыр 32:8

Став муыс мед полӧ Господьысь, муюгыдын став олысьыс мед дзӧрӧ Сы водзын.

Шусьӧгъяс 11:5

Сӧстӧм мортлысь туйсӧ веськыдлуныс шыльӧдӧ, а лёк вӧчысь аслас лёклунӧ усьӧ.

Шусьӧгъяс 16:3

Господь вылӧ лача кутӧмӧн ассьыд уджъястӧ вӧч, сэки збыльмас ставыс, мый кӧсъян вӧчнытӧ.

Шусьӧгъяс 16:9

Мортыд бӧрйӧ ассьыс туйсӧ, а Господь веськӧдлӧ сылӧн воськовъясӧн.

Шусьӧгъяс 23:17

Эн вежав мыж вӧчысьяслы, но став олӧм чӧжыд пов Господьысь.

Исай 26:7

Веськыда олысьлӧн туйыс шыльыд. Тэ дасьтан сылы веськыд туй.

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Исай 45:13

Ме сувтӧді Кирӧс, медым веськыда вӧчны, Ме шыльӧда сылысь став туйсӧ. Сійӧ выльысь лэптас Менсьым карӧс, мездас Менсьым йӧзӧс пленысь, лэдзас найӧс мунны, оз босьт налысь дон ни козин. Тадзи висьталӧ Господь Саваоф.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Еремей 10:23

Господьӧй, ме тӧда, мый мортыс абу ыджыдыс аслас олӧм вылын, сійӧ оз вермы веськӧдлыны аслас воськовъясӧн.

Еремей 42:3

Господь, тэнад Енмыд, мед петкӧдлас миянлы туйсӧ, кыті мунны да мый вӧчны».

Лыд 9:20

Кымӧрыс кӧ сӧмын кымынкӧ лун сулаліс вежа чом весьтын, сэки Господьлӧн тшӧктӧм серти войтырыс сувтліс, а сэсся Господьлӧн тшӧктӧм серти мӧдӧдчыліс туйӧ.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.

Филипӧ 4:6

Нинӧм вӧсна энӧ майшасьӧй. Енсӧ аттьӧалӧмӧн да Сылы кевмысьӧмӧн вайӧй Сы водзӧ став ассьыныд корӧм-кӧсйӧмнытӧ.

Колосӧ 3:17

Кывйӧн-ӧ, уджӧн-ӧ мыйкӧ вӧчанныд, ставсӧ вӧчӧй Господь Исус Кристос нимӧн да аттьӧалӧй Сы пыр Ен Батьӧс.

Колосӧ 3:23

Ставсӧ вӧчӧй сьӧлӧмсяньныд Господьлы моз, энӧ мортлы моз.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Ӧксыяслӧн 1 небӧг 30:8

Давид шыасис Господь дінӧ да юаліс: «Вӧтчыны-ӧ меным тайӧ мырддялысь-пазӧдысьяс бӧрся? Суӧда-ӧ ме найӧс?» Господь вочавидзис: «Вӧтчы. Тэ суӧдан и мездан ассьыд йӧзтӧ».