Шусьӧгъяс 3:18 - Коми Библия 2023

¹⁸ Мывкыдлуныс – олӧмыслӧн пу налы, кодъяс босьтӧны сійӧс, майбырӧсь найӧ, кодъяс видзӧны сійӧс.

Шусьӧгъяс 3:18 Kruisverwysings

Олӧм 2:9

Господь Ен быдтіс-петкӧдіс муысь быдсяма пусӧ – синтӧ гажӧданасӧ и бур вотӧс вайысьсӧ. Нӧшта пуктіс сад йӧр шӧрӧ олӧмыслысь пу да бурсӧ и лёксӧ тӧдмалан пу.

Олӧм 3:22

Господь Ен шуис: «Ӧні морт лои Миян кодь – тӧдӧ бурсӧ и лёксӧ. Мед эськӧ сійӧ эз босьт да эз сёй олӧмыслӧн пуысь вотӧссӧ. Босьтас кӧ да сёяс, кутас помтӧг овны».

Шусьӧгъяс 11:30

Веськыда олысьлӧн вотӧсысь быдмӧ олӧмыслӧн пу, мывкыд морт кыскӧ йӧзӧс ас дінас.

Шусьӧгъяс 13:12

Дыр виччысьӧмысь сьӧлӧмыд нюкыртчӧ, збыльмӧм кӧсйӧмыд олӧмыслӧн пу кодь.

Шусьӧгъяс 15:4

Мелі сёрни олӧм вайӧ, а ылӧг сёрни ловтӧ жугӧдӧ.

Шусьӧгъяс 4:13

Велӧдӧмӧй серти ов, эн коль сійӧс, видз сійӧс, ӧд сэні тэнад олӧмыд.

Шусьӧгъяс 8:32

Ныв-пиӧй, кывзӧй менӧ! Майбырӧсь менам туйӧд ветлысьяс.

Шусьӧгъяс 8:34

Майбыр менӧ кывзысь, коді быд лун сулалӧ менам дзиръя дорын, видзӧдӧ менам ӧдзӧсӧ.

Еклесиаст 7:12

Мывкыдлуныд сьӧм моз видзӧ-сайӧдӧ, но тӧдӧмлуныд сьӧм дорысь бурджык, ӧд мывкыдалы сійӧ олӧм сетӧ.

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

Восьтӧм 22:2

Карлӧн паськыд туй шӧрас, ю ӧтар-мӧдар бокас, быдмис Олӧмыслӧн пу, коді вайӧ вотӧссӧ быд тӧлысь, вонас – дас кыкысь. Сылӧн коръясыс бурдӧдӧны войтыръясӧс.