7 Сійӧ шуӧ, сёй пӧ да ю, а сьӧлӧмнас абу тэкӧд.
Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?
Мортлысь эскана сьӧлӧмсӧ вылӧ донъялӧны, гӧль мортыд бурджык ылӧг мортысь.
Мелі сёрниа, но лёк сьӧлӧма мортыд эзысьӧн эжӧм сёй дозмук кодь.
Мустӧмтысь сайӧдчӧ мелі кывъясыс сайӧ, но сьӧлӧмас ылӧгсӧ лӧсьӧдлӧ.
Эн эскы сылы, мед кӧть и меліа сёрнитӧ, ӧд сійӧ тырӧма лёкнас.
Ӧти пызан сайын пукалӧмӧн кык ӧксы кутасны ылӧдлыны ӧта-мӧднысӧ, ӧд налӧн сьӧлӧмныс тырӧма лёк мӧвпъясӧн. Налӧн нинӧм оз артмы, ӧд нэм помыс лоӧ сӧмын индӧм кадӧ.
Исусӧс корысь фарисей аддзис тайӧс да мӧвпыштіс: «Вӧлі кӧ тайӧ Мортыс пророк, тӧдіс эськӧ, мыйсяма ань инмӧдчӧ Сы дінӧ. Тайӧ аньыс ӧд мыжа».
Далида шуис Самсонлы: «Тэ шуан, мый радейтан менӧ, а сьӧлӧмыд абу мекӧд! Тэ куимысь нин ылӧдлін менӧ да эн висьтав меным ыджыд выныд йылысь».
