Шусьӧгъяс 20:2 - Коми Библия 2023

² Ӧксылӧн скӧрлуныс левлӧн равзӧм кодь, сійӧс дӧзмӧдысьыс лёксӧ аслыс вӧчӧ.

Шусьӧгъяс 20:2 Kruisverwysings

Ӧксыяслӧн 3 небӧг 2:23

Соломон ӧксы кыв сетіс Господь водзын, сійӧ шуис: «Енмыс мед чорыда мыждас менӧ, оз кӧ Адоний мынтысь олӧмнас аслас корӧмысь.

Ӧксыяслӧн 3 небӧг 2:24

Ловъя Господь водзын, коді Аслас кӧсйысьӧм серти ёнмӧдіс менӧ, пуксьӧдіс менӧ Давид батьӧйлӧн юралан пуклӧсӧ да зумыдмӧдіс менсьым рӧдӧс, ме кыв сета: талун Адоний кулас!»

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Шусьӧгъяс 8:36

Меным паныд мыж вӧчысь аслыс лёксӧ вӧчӧ, менӧ мустӧмтысь кулӧмсӧ радейтӧ».

Еклесиаст 10:4

Юралысьыд кӧ скӧрмас тэ вылӧ, эн тэрмась пышйыны, ӧд рамлуныд вевттьӧ ыджыд мыжъяс.

Осий 11:10

Господь равӧстас лев моз, и Ефрем мунас Сы бӧрся. Господь равӧстас – сэки тіралӧмӧн локтасны рытыввывсянь Сылӧн пияныс,

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Аввакум 2:10

Уна войтырӧс бырӧдӧмнад тэ янӧдін ассьыд рӧдтӧ, тэ мыж вӧчин, и таысь мынтысян олӧмнад.

Лыд 16:38

Тшынӧдчан дозъяссӧ налысь, кодъяс кулісны асланыс мыж вӧсна, мед лямӧдасны листъясӧ. Наӧн мед эжасны висьпуктанін, ӧд дозъясыс лоины вежаӧсь, кор найӧс вайисны Господь водзӧ. Лямӧдӧм дозъясыс мед лоӧны ӧлӧданпасӧн Израиль пиянлы».