Шусьӧгъяс 18:5 - Коми Библия 2023

⁵ Абу бур сулавны лёк вӧчысь дор да мыжтӧмӧс мыждыны.

Шусьӧгъяс 18:5 Kruisverwysings

Иов 34:19

Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.

Псалтыр 82:2

Енмӧй, эн чӧв ов! Эн ланьтӧдчы, дугды чӧв овны!

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Петӧм 23:3

Гӧль мортӧс ёрд водзын подулавтӧг эн дорйы.

Петӧм 23:6

Гӧль мортлысь вензьӧмсӧ видлалігӧн ло веськыд ёрдысьӧн.

Шусьӧгъяс 17:15

Лёк вӧчысьӧс дорйысь да мыжтӧм мортӧс мыждысь – Господьлы зывӧктанаӧсь.

Шусьӧгъяс 17:26

Веськыда вӧчысьӧс абу бур мыждыны, пыдди пуктанаӧс – збыльсьыс нӧйтны.

Шусьӧгъяс 24:23

Мывкыд йӧзсянь нӧшта шусьӧгъяс. Ёрдысь мед мыждӧ веськыда, оз чужӧм вылӧ видзӧдӧмӧн.

Шусьӧгъяс 28:21

Чужӧм вылӧ видзӧдӧмӧн вӧчны – абу бур, мортыд весиг няньтор вӧсна вермӧ лёксӧ вӧчны.

Шусьӧгъяс 31:5

Код юрнад вунӧдан индӧдсӧ, коньӧръясӧс он веськыда мыжды.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Исай 59:14

Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Левит 19:15

Ёрд вылын ло веськыд. Мыжды веськыда, эн видзӧд чужӧм вылӧ. Гӧль и озыр морт мед лоӧны тэныд ӧткодьӧсь.

Микей 3:9

Кывзӧй тайӧс, Яков рӧдлӧн юралысьяс, Израиль войтырлӧн веськӧдлысьяс! Веськыда мыждӧмсӧ ті нинӧмӧ пуктанныд, став веськыдсӧ чукльӧдланныд.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Матвей 22:16

Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.