Шусьӧгъяс 15:16 - Коми Библия 2023

¹⁶ Ыджыд озырлун да майшасьӧм дорысь бурджык этшаникыс да Господьысь полӧм.

Шусьӧгъяс 15:16 Kruisverwysings

Псалтыр 37:16

Господьӧй, Тэ вылӧ ме лача кута, Господьӧй Енмӧй, Тэ вочавидзан меным.

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Шусьӧгъяс 15:15

Шудтӧм мортлӧн став олан луныс шогӧн тырӧма, долыд сьӧлӧмалы быд лун гажа.

Шусьӧгъяс 16:8

Ылӧдчӧмӧн аслыд куралӧм дорысь бурджык этшаникнас тырмӧдчыны, но веськыда овны.

Шусьӧгъяс 17:1

Тыр пызан да зык-вена олӧм дорысь бурджык кос няньтор да лӧнь олӧм.

Шусьӧгъяс 28:6

Гӧль да сӧстӧма олысьыд бурджык озыр мортысь, коді пежас олӧ.

Еклесиаст 4:6

Мырсьӧмӧн да тӧв бӧрся вӧтлысьӧмӧн кык китыр чукӧртӧм дорысь бурджык лӧнь сьӧлӧмӧн ӧти китыр чукӧртны.

1 Тимофейлы 6:6

Вежавидзӧмыс збыльысь озырмӧдӧ найӧс, кодъяс олӧны нинӧм вылӧ шуасьтӧг.