Шусьӧгъяс 14:3 - Коми Библия 2023

³ Вежӧртӧмлӧн сӧрӧмыс ньӧрйӧн аслыс бергӧдчас, мывкыд мортӧс кывйыс видзас.

Шусьӧгъяс 14:3 Kruisverwysings

Иов 5:21

Тэнӧ лоӧ сайӧдӧма лёкӧдӧмысь, локтана бырӧдӧмысь он повзьы,

Псалтыр 12:3

Дыр-ӧ меным майшасьны да дугдывтӧг шогсьыны? Дыр-ӧ мустӧмтысь кутас паныд сувтны меным?

Псалтыр 57:4

Лёк вӧчысьяс чужӧмсяньныс вошӧмаӧсь, пӧръясьысьяс мам кынӧмсяньныс ылалӧмаӧсь.

Шусьӧгъяс 12:6

Лёк вӧчысь вермӧ кывнас вины, а веськыда сёрнитысьӧс кывйыс мездӧ.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

Шусьӧгъяс 14:4

Ӧшкыд кӧ абу, лясниыд куш, ӧшъясыд кӧ ёнӧсь, няньыд уна.

Шусьӧгъяс 18:6

Вежӧртӧм морттӧ сёрниыс зык-венӧ кыскас, вомыс тышкасьӧмӧдз вайӧдас.

Шусьӧгъяс 18:7

Вежӧртӧмӧс сёрниыс бырӧдӧ, сылысь ловсӧ вомыс тывйыштӧ.

Шусьӧгъяс 21:24

Ыкша да наян мортӧс шуӧны омӧльтысьӧн, этшсьыс петмӧнъя сійӧ вылӧ пуксьӧ.

Шусьӧгъяс 22:8

Ылӧгсӧ кӧдзысь вундас шог, пом воас сылӧн чорыд дзескӧдӧмлы. [Сьӧлӧмсяньыс сетысьӧс Енмыс радейтӧ, содтас сылы, мый оз судзсьы.]

Шусьӧгъяс 28:25

Ыкша мортыд зык-вен пестӧ, Господь вылӧ лача кутысь пондас бура овны.

Даниил 7:20

Ме нӧшта кӧсйи тӧдны дас сюрыс йылысь, кодъяс вӧліны сылӧн юр вылас, да куим усьӧм сюр пыдди быдмӧм сюр йылысь. Тайӧ сюрыс лои мукӧд сюр дорысь ыджыдджык, и сылӧн вӧліны синъяс да ышнясьӧмӧн сёрнитысь вом.

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.

Восьтӧм 12:11

Миян вокъяс вермисны сійӧс Балялӧн вирӧн да збыльсӧ висьталӧмӧн. Найӧ эз повны кулӧмысь, вӧліны дасьӧсь сетны ассьыныс олӧмнысӧ.

Восьтӧм 3:10

Ме тшӧкті тэныд зумыда сулавны, и тэ видзин Менсьым тшӧктӧмӧс. Та вӧсна видза тэнӧ локтана сьӧкыд кадас. Тайӧ кадыс лоӧ став му пасьталаыс, медым тӧдмавны мувывса олысьясӧс.

Ӧксыяслӧн 1 небӧг 2:3

Энӧ ышнясьӧй асланыд сёрниясӧн, тіян вомысь мед оз петны тшап кывъяс. Ӧд Господь эм Ен, Сійӧ ставсӧ тӧдӧ, Сійӧ веситӧ уджъяснымӧс.