Шусьӧгъяс 14:19 - Коми Библия 2023

¹⁹ Лёк йӧз копыртчасны бур йӧз водзын, мыж вӧчысьяс – веськыда олысьяслӧн дзиръя дорын.

Шусьӧгъяс 14:19 Kruisverwysings

Олӧм 42:6

Египет муӧн сэки веськӧдліс Ӧсип, и няньнас сійӧ вузасис ачыс. Ӧсиплӧн вокъясыс локтісны да муӧдзыс копыртчисны сылы.

Олӧм 43:28

Найӧ вочавидзисны: «Тэнад кесйӧгыд, миян батьным, ловъя и дзоньвидза». [Ӧсип шуис: «Енмӧн бурсиӧма сійӧ».] Найӧ пидзӧсчанясисны да копыртчылісны сылы.

Ӧксыяслӧн 4 небӧг 3:12

Иосафат шуис: «Сылӧн эм Господьсянь кыв». Иудаса Иосафат ӧксы, израильса ӧксы да эдомса ӧксы мунісны Елисей дінӧ.

Псалтыр 49:14

Вай Енмыслы вись пыдди аттьӧалӧм, вӧч сійӧ, мый кӧсйысин Медвылыссалы.

Петӧм 11:8

Став тэнад йӧзыд локтасны меным копыртчыны да корасны менӧ петны татысь войтырӧйкӧд. Сэки ме пета». И Мӧисей муніс фараон дінысь скӧрмӧмӧн.

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Шусьӧгъяс 11:29

Коді гортсаыслы шог вайӧ, сылы нинӧм оз вичмы, вежӧртӧм морт лоӧ кесйӧгӧн мывкыд мортлы.

Шусьӧгъяс 14:18

Вежӧртӧмлӧн олан пайыс – йӧйталӧм, вежӧралӧн юркытшыс – тӧдӧмлун.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Малакий 4:3

Менам индӧм лунӧ ті понданныд талявны лёк вӧчысьясӧс, бус чирӧдз ниртанныд найӧс кок уланыд, – висьталӧ Господь Саваоф.

Ап. уджъяс 16:39

Сэсся локтісны да корисны налысь прӧща, а дзескыдінысь петкӧдігӧн корисны найӧс эновтны карнысӧ.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Ӧксыяслӧн 1 небӧг 2:36

А найӧ, кодъяс ловйӧн колясны тэнад рӧдысь, локтасны да копыртчыласны сьӧм да няньтор вӧсна тайӧ попыслы. Шуасны, сет пӧ миянлы кутшӧмкӧ левит удж, мед кынӧмпӧт шедӧдны”».