Шусьӧгъяс 1:5 - Коми Библия 2023

⁵ Мывкыда морт кывзас да сюсьджык лоӧ, вежӧра морт аддзас аслыс туйдӧдӧм,

Шусьӧгъяс 1:5 Kruisverwysings

2 Каднебӧг 25:16

Пророк эз на помав сёрнисӧ, а ӧксы шуис нин сылы: «Тэнӧ ӧмӧй индісны туйдӧдны ӧксыӧс? Дугды сёрнитнытӧ! Он кӧ, тэнӧ виасны». Но сёрни помавтӧдзыс пророк шуис: «Ме тӧда, мый Енмыс шуис бырӧдны тэнӧ сыысь, мый тэ вӧчин. Но менсьым туйдӧдӧмӧс тэ он кывзы».

Иов 34:10

Сідзкӧ, кывзӧй менӧ, сюсь вежӧраяс! Енмыс оз вӧч лёксӧ, Ставсӧвермысьлӧн уджъясыс веськыдӧсь.

Иов 34:16

Тэнад кӧ эм вежӧр, кывзы, сюся кывзы менсьым висьталӧмӧс.

Иов 34:2

– Кывзӧй менсьым висьталӧмӧс, мывкыдаяс, пельнытӧ копыртӧй мелань, вежӧртысьяс!

Иов 34:34

Вежӧра йӧз шуасны меным, мывкыд морт менӧ кывзігӧн шуас,

Шусьӧгъяс 12:1

Кодлы муса тӧдӧмлуныс, сылы муса велӧдӧмыс, но ӧлӧдӧмсӧ мустӧмтысь – вежӧртӧм морт.

Шусьӧгъяс 14:6

Омӧльтысь морт корсьӧ мывкыдлунсӧ да оз аддзы, вежӧра мортлы тӧдӧмлуныс кокньыда шедӧ.

Шусьӧгъяс 18:15

Мортыд ловнас кор вына, вермытӧмсӧ вермӧ, а нюкыртчӧм ловнад коді вермас овны?

Шусьӧгъяс 19:25

Омӧльтысьӧс кӧ нӧйтан, мывкыдтӧмъяс вежӧрсяласны, вежӧра мортӧс кӧ ӧлӧдан, сійӧ гӧгӧрвоас велӧдӧмсӧ.

Шусьӧгъяс 21:11

Омӧльтысьӧс кӧ мыждан, мывкыдтӧмъяс мывкыдсяласны, а мывкыд мортӧс кӧ велӧдан, сійӧ тӧдныджык кутас.

Шусьӧгъяс 8:33

Кывзӧй велӧдӧмӧс да вежӧрсялӧй, энӧ кежӧй менам туйдӧдӧмысь.

Шусьӧгъяс 9:8

Эн чирышт омӧльтысьӧс – сійӧ мустӧмтас тэнӧ. Чирышт мывкыд мортӧс – сылы тэ муса лоан.

Шусьӧгъяс 9:9

Мывкыд мортӧс туйдӧд, и сылӧн содас мывкыдлуныс. Веськыда олысьӧс велӧд, и сылӧн содас тӧдӧмлуныс.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

1 Коринфӧ 10:15

Ме сёрнита тіянкӧд мывкыд йӧзкӧд моз. Ӧні ті асьныд мӧвпалӧй, мый йылысь висьтала тіянлы.

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”